शिवराज नगरपालिकाका मेयर नेत्रराज अधिकारीले नगरभित्र रहेका ६५ वर्ष पुरा गरेका जेष्ठ नागरिकहरुलाई खोप लगाउन आग्रह गरेका छन । अधिकारीले विस्तारे अरु समुहहरुका व्यक्तिहरुलाई पनि खोप लगाउने लक्ष्य रहेको समेत बताए । अधिकारीले शिवराज नगरपालिकाको ११ वटा वडाहरुमा रहेको स्वास्थ्य चौकी वाट खोप लगाउना सकिने अधिकारीले बताए ।
प्रधानमन्त्री ओलीले त्रिभुवन विश्वविद्यालय शिक्षण अस्पताल, महाराजगञ्जमा आज खोप लगाएर दोस्रो चरणको अभियानको औपचारिक शुभारम्भ गरे संगै शिवराज नगरपालिकाका सबै वडामा रहेका स्वास्थ्य चौकी वाट कोरोना विरुद्धको खोप कार्यक्रम संचालन भई रहेकोस्वास्थ्य शाखा प्रमुख चुडामणी भट्टराईले जानकारी दिए ।
शिवराज नगरपालिका भित्र रहेका ६५ वर्ष पुरा गरेका ९ हजार जेष्ठ नागरिकहरुलाई खोप लगाउने लक्ष्य रहेको भट्टराईले कपुरी अनलाइनलाई बताए । सरकारले आजदेखि नै दोस्रो चरणको खोप अभियान अन्तर्गत ६५ वर्षमाथिका ज्येष्ठ नागरिकलाई देशैभरी खोप सञ्चालन गर्दैछ । यस अभियान अन्तर्गत करीब १६ लाख ज्येष्ठ नागरिकलाई प्राथमिकतामा राखी खोप प्रदान गर्ने लक्ष्य सरकारको छ ।
