चन्द्रौटा कपिलवस्तु गोपाल बन्जाडे । शिवराज नगरपालिका भित्र रहेका जनप्रतिनिधि,पत्रकार,स्वास्थ्यकर्मी ,नेपाल प्रहरी ,सशस्त्र प्रहरी र सरकारी कार्यालयका कर्मचारी गरि जम्मा १२१४ जनाले काेराेना विरुद्धकाे पहिलो खाेप काेभिसिल्ड लगाएका छन् ।
यस पटककाे अभियानमा करिब १००० जनालाई काेराेना बिरुद्धकाे पहिलो खाेप काेभिसिल्ड लगाउने लक्ष्य रहेको तर लक्ष्य भन्दा पनि बढीले खाेप लगाएकाे शिवराज नगरपालिका स्वास्थ्य शाखा प्रमुख चुडामणी भट्टराईले जानकारी दिए ।
लगातार तीन दिनसम्म चलेको खोप कार्यक्रममा पहिलो दिन ३३१ जना दाेस्राे दिन २८० जना र तेस्रो दिन ६०३ जनाले खाेप लगाएकाेआधारभुत स्वास्थ्य अस्पतालका डा महेश गुप्ताले बताए । पहिले संचालन गरिएको खोप लगाउन छुटेका स्वास्थ्यकर्मी, महिला स्वास्थ्य स्वंयम सेविकाहरुलाई पनि यसपटक खोप लगाउनका लागि पहिलो प्राथमिकतामा राखिएको र छुटेका स्वास्थ्यकर्मी , महिला स्वास्थ्य स्वयंसेविकाहरु शिवराज नगरपालिका स्वास्थ्य शाखामा सम्पर्कमा आउन शाखा प्रमुख भट्टराईले अनुराेध गरे । शिवराज नगरपालिकाकाे वडा नम्बर ५ मा अवस्थित आधारभूत स्वास्थ्य सेवा अस्पतालमा खाेप लगाउने ब्यवस्था गरिएको जानकारी समेत दिनुभयो ।
शिवराज नगरपालिका नगर प्रमुख नेत्रराज अधिकारी सहित सरकारी सेवामा कार्यरत कर्मचारी, पत्रकार ,नेपाल प्रहरी , सशस्त्र प्रहरी लगायतको समुहले खोप लगाएका थिए ।
आधारभूत स्वास्थ्य अस्पताल शिवराज ५ चन्द्रौटामा काेराेना विरुद्धको पहिलो खाेप काेभिसिल्ड लगाउने कार्यक्रम छ । साे कार्यक्रममा अझै लगाउन छुटेका जनप्रतिनिधि , नेपाल प्रहरी, सशस्त्र प्रहरी , स्वास्थ्यकर्मी ,महिला स्वास्थ्य स्वंयमसेविका,सरकारी कार्यालयका कर्मचारी, सरकारी तथा गैरसरकारी बित्तिय संस्थामा कार्यरत कर्मचारी सामुदायिक बिद्यालयका शिक्षक तथा कर्मचारीलाई लगाएकाे आधारभुत स्वास्थ्य सेवा अस्पताल चन्द्रौटाका प्रमुख डाक्टर महेश गुप्ताले जानकारी दिए ।
काेराेना विरुद्धको पहिलो खाेप भाेली करिब करिब १०० जनालाई लगाई यस चरणको कार्यक्रम अन्त हुने स्वास्थ्य शाखा प्रमुख भट्टराईले जानकारी गराएका छन् । साथै छुटेका शिक्षक ,कर्मचारीलाई भोली बिहान १०:००बजेदेखि ११:३० बजेसम्म खाेप लगाईने समेत जानकारी दिए ।
