कपिलवस्तु ४ भाद्र
कपिलवस्तुमा मा आज थप २४ जना मा संक्रमित पुष्टी भए संगै संक्रमितको संख्या १ हजार ६ जना पुगेका छन । संक्रमित हुनेमा कृष्णनगर नगरपालिका क्षेत्रका एकैपटक २४ जना कोरोना संक्रमित थपिएको जिल्ला स्वास्थ्य कार्यालयका कोरोना फोकल पर्सन कुमार थापाले बताए का छन ।
संक्रमित हुनेमा १० प्रहरी, बुटवलको कान्ति विद्यालयका एक सहित ४ विद्यार्थी, ३ व्यवसायी, हुलाक र भन्सारका एक एक कर्मचारी, नेपाल बैंकका एक कर्मचारी, गृहणी एक र ३ समुदायस्तरका जना छन ।
सिमावर्ती क्षेत्रमा रहेको कृष्णनगरमा समेत समुदायस्तरमा कोरोना संक्रमण फैलिएको छ । साउन ३१ गते कृष्णनगर नगरपालिकाको बहादुरगन्ज बजार र कृष्णनगर बजार क्षेत्रदेखि संकलन गरिएको ३ सय २९ नमुनामध्ये २४ पोजेटिभ, ८७ नेगेटिभ र २१८ नतिजाको प्रतिक्षामा रहेको छ । कपिलवस्तु प्रदेश नम्बर ५ मै सबै भन्दा बढी कोरोना संक्रमित भेटिएको जिल्ला हो।
