कपिलवस्तुमा अषाढ २२ र २३ गते संचालन हुन गईरहेको राष्ट्रिय भिटामिन ए कार्यक्रमलाई कोरोना संक्रमणबाट सुरक्षितरुपमा संचालन गर्न कालिका स्वावलम्बन सामाजिक केन्द्र र यू.एस.आईडी को साझेदारीमा संचालित सुआहारा कार्यक्रमबाट कपिलवस्तु जिल्लाका १० वटै स्थानिय पालिकामा स्वास्थ्य सामाग्री वितरण गरिएकाे सुआहाराका फिल्ड संयोजक कृष्ण राज शर्माले बताए ।
कपिलवस्तुकाे स्थानिय तह अन्तर्गत रहेका ९६ वटा स्वास्थ्य चौकी मातहत कार्यरत ११०५ जना महिला स्वयंसेबिकालाई ४ थान मास्क प्रति स्वयमं सेविका, १ थान स्यानिटाइजर प्रति स्वयंमसेविका तथा ३ प्रकारका पठन सामाग्री (भिटामिन ए खुवाउने बिधी, मास्क लगाउने र हात धुने तरीका एवं घर भेटमा गर्नुपर्ने सावधानी) प्रति स्वयंमसेविका सहयोग गरिएको कार्यकारी निर्देशक अजुर्न थापा मगरले बताए ।
सामाग्री बितरणले भिटामीन ए कार्यक्रमलाई शुरक्षित रुपमा संचालन गर्न सहयोग पुग्ने थापा मगरले बताए । राष्ट्रिय अभियानमा सहयोगी भुमिका निर्वाह गर्दै प्रदान गरिएको सामाग्री प्रयोग गरी यस अभियानलाई सफल बनाउन ठुलाे सहयोग पुग्ने बिश्वास सुआहाराका फिल्ड संयोजक शर्माले बताए ।
सहयोगले समुदाय स्तरमा सुआहाराका कर्मचारीद्धारा संचालित फोन परामर्शले यस अभियानलाई शुरक्षितरुपमा सम्पन्न गर्न महत्वपूर्ण भुमिका खेल्ने कुरा कपिलवस्तु न.पा.का स्वास्थ्य संयोजक उमेश प्रसाद गुप्ताले बताए ।