दाङमा बस दुर्घटनामा २१ जना घाइते भएका छन्।
घोराहीबाट तुलसीपुरतर्फ जाँदै गरेको रा १ ख १३८२ नम्बरको बस बिजौरीको डाँडागाउँमा दुर्घटनाग्रस्त भएको हो। यस दुर्घटनामा २१ जना घाइते भए पनि तीन जनाको अवस्था गम्भीर रहेको छ।
घाइतेहरूलाई राप्ती प्रादेशिक अस्पताल तुलसीपुरमा उपचार दिइरहेका छन्। जिल्ला प्रहरी कार्यालय दाङका डिएसपी ईश्वर थापाका अनुसार, बस चालक घोराही-१० का मनोज चौधरी फरार छन्। बस तीन मिटर तल खसेको थियो।
