चन्द्रौटा(कपिलवस्तु), २१ कार्तिक ।
सरूमारानी गाउँपालिका ३ उधिनढुङ्गा प्यूठानका तान बहादुर सुनार यही कार्तिक ११ गतेदेखि सम्पर्क विहीन हुनुभएको छ ।
सुनचाँदीको पसल गर्ने निहुँमा घरबाट निस्कनु भएका उहाँ हालसम्म सम्पर्कमा आउनु भएको छैन – श्रीमती तुल्सीदेवी सुनार बताउनु हुन्छ । “चारैतर्फ खोजतलास गर्यौं, उहाँको कुनै अत्तोपत्तो लागेन ! मोबाइल पनि अफ छ ।” – तुल्सीदेवीले भन्नुभयो ।
घरमूली नै सम्पर्क विहीन भएपछि परिवार अहिले बिचल्लीमा परेका छन् । आज ११ दिन बित्दा पनि उहाँको कुनै पत्तो नलागेपछि अहिले प्रहरी र मिडियालाई गुहार्नु परेको छोरीज्वाईं शिवराज १ बनकसबासा कपिलवातुका मान बहादुर सुनारको भनाई छ । कहीँकतै देख्नु हुनेले प्रहरी कार्यालयको १०० वा मोबाइल नं. 9806272635 वा 9826413093 मा जानकारी गराउनु हुन परिवारले सबैसँग अपिल गरेका छन् ।
