विगत एक दशक यता देखि प्रत्येक आषाढ १५ गतेका दिन मनाउँदै आईरहेको राष्ट्रिय धान दिवस आज ‘धान उत्पादनमा वृद्धि :राष्ट्रको समृद्धि’ भन्ने मूलनाराका साथ १७ औँ धान दिवस शिवराज नगरपालिका कृषि शाखाको आयोजनामा १७ औ धान दिवश शिवराज नगरपालिकाको वडा न ३ मदवामा भव्य रुपमा मनाइएको छ । धान दिवश लक्ष्मी महिला तरकारी कृषक समुहको सहयोगमा खेतमा धान रोपी मनाइएको हो ।
राष्ट्रिय धान दिवसका रुपमा मनाइँदै गरेको धान दिवसका दिन धानको उत्पादन बढाउन, नयाँ जातका धानको बीउ सिफारिस र त्यसको प्रचारप्रसारका लागि संयुक्त राष्ट्रसंघले सन् २००४ मा धान नै जीवन हो भन्ने नारा दिएर अन्तराष्ट्रिय धान दिवस मनाउने घोषणा गरे यता नेपालमा पनि यो दिवस मनाउँन सुरु गरिएको हो । शिवराज नगरपालिकाका मेयर नेत्रराज अधिकारीले धानमा मात्र नभई सबै कृषि जन्य वस्तुमा हामी आत्म निर्भर हुनु पर्ने बताएका थिए ।
यसै गरि प्रदेश सासंद अजुर्न कुमार के सी ले सबै युवाहरु कृषि क्षेत्रमा रोजगारीको अवसर खोजनु पर्ने समय आएको बताए । अब प्रदेश सरकारले कृषिमा टेवा दिन कृषिकलाई अनुदान दिने योजना प्रदेश ५ सरकारको रहेको बताए । कार्यक्रम महिला समुहकी अध्यक्ष पुतली कुमारी खत्रीको अध्यक्षतामा कार्यक्रम संचालन भएको थियो । त्यस्तै असार १५ लाई नेपाली समाजमा दहीच्यूरा खाने पर्वको रुपमा गरे अनुरुप असार १५ लाई धान महोत्सवका साथै दही चिउरा खाँदै मनाउने गरिएको छ ।
