कपुरी,डेक्स ।  शिवराज नगरपालिका क नगर प्रमुख अजय थापा क नेतृत्व मा आइतबार करीब १ हजार भूमिहीन अउर अव्यवस्थित बसोबासी परिवारन का लालपुर्जा बाँटल गवा।
बरिसन से अपन जमीन क मालिकाना हक से वञ्चित लोग लालपुर्जा पाइके खुसी जाहिर किहिन।

शिवराज नगरपालिका–८, बिसनपुर क रहइया रहिस मोहम्मद मुसलमान कहिन, “हमार परिवार करीब १०० बरिस से एहिजे रहत आय अब जाके डी–ब्लक क लालपुर्जा मिलिगा।”
नगर प्रमुख अजय थापा कहिन कि भूमिहीन अउर अव्यवस्थित बसोबासी परिवारन का कानुनी रूप से जमीन क मालिकाना हक दिलावै खातिर लालपुर्जा बाँटल गवा ह।

उहाँ ई भी बताइन कि जउन योग्य परिवार अबहिन छूट गइन, उहिनका भी चरणबद्ध रूप से लालपुर्जा दिहल जाई।
स्थानीय लोगन क कहब ह कि लालपुर्जा मिलै से बरिसन पुरान जमीन क मालिकाना हक क समस्या अब धीरे–धीरे दूर होइ।