कपिलवस्तु, असार १९। कपिलवस्तु क एम्बुलेन्स चालकन अपन साथी चालक क समर्थन म आंदोलन क घोषणा कइले बाड़न। एम्बुलेन्स चालक संघ, जिल्ला कपिलवस्तु क आह्वान प असार १९ गते बिहान ८ बजे गोरुसिङे म सब चालकन क आपन-आपन एम्बुलेन्स सहित अनिवार्य रूप से पहुँचे क आग्रह कइल गइल बा।

संघ क अनुसार, असार १७ गते शिवराज नगरपालिका से सख्त बिरामी लेके बुटवल जात रहल एम्बुलेन्स से बाटे म एगो गाई क बछिया क ठोकर लाग गइल, जेकरे बाद बछिया क मौत हो गइल। एह घटना क बाद पुलिस सम्बन्धित एम्बुलेन्स चालक क नियन्त्रण म लेके म्याद थप करत कानुनी प्रक्रिया आगे बढ़वले बा।

एम्बुलेन्स चालकन क कहनाम बा कि बिरामी क जान बचावे क ड्युटी निभावत समय भइल एह दुर्घटना क संवेदनशील ढंग से देखल जाय। चालकन क माँग बा कि पक्राउ परल चालक क तत्काल रिहा कइल जाय, पुलिस कारबाही वापस लिहल जाय आ एम्बुलेन्स सेवा क विशेष जिम्मेवारी क ध्यान म राखत कानुनी प्रक्रिया अपनावल जाय।

एम्बुलेन्स चालक संघ क अध्यक्ष कमल घिमिरे क निर्देशन म जारी सूचना म सब चालकन से आंदोलन म सहभागी होखे क अपिल कइल गइल बा। संघ ईहो कहले बा कि बिना उचित कारण अनुपस्थित रहे वाला चालकन क भविष्य म संघ क सहयोग आ समर्थन नइखे मिल सके।

उधर, एम्बुलेन्स चालकन क आंदोलन से आकस्मिक स्वास्थ्य सेवा प्रभावित होखे क आशंका जतावल जा रहल बा। अगर एम्बुलेन्स सेवा प्रभावित भइल त सख्त बिरामियन क समय पर उपचार पावे म कठिनाई हो सकेला। एहसे स्थानीय नागरिक सम्बन्धित निकाय, प्रहरी प्रशासन आ एम्बुलेन्स चालक संघ से जल्द बातचीत करके समस्या क समाधान निकाले क माँग करत बाड़न, ताकि बिरामियन क जीवनरक्षक सेवा लगातार चलत रहे।