शिवगढीमा जारी नकआउट फुटबल प्रतियोगितामा सोमबार सेमिफाइनलका खेल सम्पन्न भएपछि यी दुई टोलीले फाइनल यात्रा तय गरेका हुन्। शिवशक्ति युवा क्लबले नव सृजनशील क्लबलाई पराजित गर्दै स्थान सुरक्षित गरेको छ भने शिवगढी स्पोर्टिङले जागृती  रहटकोललाई हराउँदै फाइनलमा प्रवेश गरेको हो।

माघ २ गते हुने फाइनल रोमाञ्चक हुने अपेक्षा
माघ २ गते फाइनल खेलका लागि यी दुई टोली आमनेसामने हुनेछन्। दुबै टोलीले यसअघि तीन-तीन पटक सुर्यमुखी कपको उपाधि जितिसकेको हुँदा यस पटकको भिडन्त थप रोमाञ्चक हुने अनुमान गर्न सकिन्छ ।

गोल्डेन स्टारको कीर्तिमान अगाडि चुनौती
सुर्यमुखी कपको इतिहासमा गोल्डेन स्टार क्लब सबैभन्दा धेरै ७ पटक उपाधि जितेर पहिलो स्थानमा रहेको छ। आयोजक क्लबले ५ पटक उपाधि चुम्दै दोस्रो स्थानमा स्थान बनाएको छ।

यसपटक दुबै टोलीको प्रदर्शनले सुर्यमुखी कपको २४औं संस्करणलाई अझै  यादगार बनाउने अपेक्षा खेल प्रेमीहरूले गरेका छन् ।