विजयनगर, २२ बैशाख ।
कपिलवस्तुकाे विजयनगर गाउँपालिका-६ बद्धाैरमा नवनिर्मित १५ शैय्या अस्पताल भवन उद्घाटनकाे कार्यक्रमकाे तयारी तीव्र रुपमा भइरहेको छ । पुर्व प्रधानमन्त्री केपी शर्मा ओलीले २६ गते बुधबार अस्पताल भवनकाे उद्घाटन गर्ने कार्यक्रम तय भएको छ ।
गाउँपालिका अध्यक्ष गाेपाल बहादुर थापाले अस्पताल र मञ्च व्यवस्थापन, स्वयंसेवक परिचालन, सवारी पार्किङ लगायतकाे सम्पूर्ण काम भइरहेको जानकारी दिनुभयाे । भवन उद्घाटन कार्यक्रमकाे सबैे तयारीकाे लागि जिम्मेवारी समेत बाँडफाँड भई सकेकाे उहाँले बताउनुभयो ।
केपी ओेली नेतृत्वकाे सरकारले २०७७ साल मंसिर १६ मा एकै दिन देशभरकाे ३ सय ९ स्थानीय तहहरूमा भर्चुअल माध्यमबाट अस्पतालकाे शिलान्यास गर्नु भएकाे थियोे । ओेलीले ५ देखि १५ बेडसम्म एकै पटक अस्पतालहरूको शिलान्यास गर्नु भएको थियाे ।
त्यस बेला शिलान्यास भएको मध्येको विजयनगर १५ शैय्याकाे आधारभूत अस्पताल पनि हाे । सो अस्पताल पुर्व प्रधानमन्त्री केपी शर्मा ओलीले उद्घाटन गर्न लाग्नुभएको गाउँपालिका अध्यक्ष थापाले बताउनुभयो । याे विजयनगर अस्पताल गाैरवकाे याेजना भएकाे बताउँदै कार्यक्रममा उपस्थितिका लागि विजयनगर बासी लगायत सम्पूर्णलाई अनुरोध गर्नु भएकाे छ ।
