कृष्ण पौडेल विजयनगर।।
कपिलवस्तुको विजयनगरमा नेपाल भारत मैंत्री क्रिकेट कप सिजन प्रतियोगीता आज देखि गाउँपालिकाको वडा नं ३ मा पत्थरदेइयामा सुरु भएको छ ।
राष्ट्रका लागि खेलकुद, स्वास्थ्यका लागि खेलकुद’ भन्ने नाराका साथ संगम युवा क्लबको आयोजनामा हुन लागेको भएको क्रिकेट प्रतियोगित पालिका अध्यक्ष गोपाल बहादुर थापाले उद्घाटन गर्नु भएको छ।
उदघाटन गर्दै प्रमुख अतिथि गोपाल बहादुर थापाले स्थानीयस्तरमा आयोजना गरिने क्रिकेट प्रतियोगिताले खेल क्षेत्रको विकासमा टेवा पुग्नु का साथै खेल बाट मस्तिक र शारीरिक बिकास हुन्छ। ‘खेलले गर्दा रोगहरु लाग्दैन शरीर फुर्तिलो र स्वस्थ बनाउनुको साथै युवाहरुले खेलबाट गाउँ र देशको नाउँ पहिचान गराउछ ।’ देशमा भौतिक बिकासको साथै खेलको बिकासमा युवाहरुको आवश्यकता रहेको प्रमुख अतिथि थापाले भनाइ रहेको थियो ।
त्यसतै उद्घाटन कार्यक्रममा बाेल्दै जनता प्रगतीशिल पार्टीका युवा नेता मिर्जा रशिद बेगले खेलाडी लाई शुभकामना दिदै गाउँपालिकाका खेलाडीहरु लाइ पालिकाले अपेक्षा नगरी खेलकुदका सामग्री उपलब्ध गराउनु पर्ने बताउनु भयो । युवाहरु लाई खेलकुदको माध्यम बाट अगाडि बढ्नकाे लागि अग्रह गर्दै वेगले युवालाई कसरी अगाडि बढाउन सकिन्छ अर्थिक ,भाैतिक, सामाजिक सबै तर्फबाट सहयोग गर्न आफु तयार रहेको बताउनुभयो ।
आज देखि सुरु भएको प्रतियोगीतामा गैडहवा र बाहादुरगंज बिच उद्घाटन खेल भएको संगम युवा क्लबका अध्यक्ष फैशल खानले जानकारी दिनुभयो। खेल दुई हप्ता सम्म चल्नेछ नेपाल भारत गरी कुल १८ वटा टिमले सहभागिता जनाएको अध्यक्ष खाँ ले बताउनुभयो।
प्रतियोगताको उद्घाटन कार्यक्रममा वडा नं ५ का वडा अध्यक्ष अनवर मोहम्मद मुसलमान , वडा नं ७ का वडा अध्यक्ष दिनेश कुमार चौधरी , नेपाल समाजबादी पार्टी जिल्ला अध्यक्ष राम निवास पुरी , नेपाली कांग्रेसका नेता बालजी चौधरी , कृष्ण प्रसाद आचार्य , पत्रकार, सुरक्षाकर्मी, लगायतको सहभागिता रहेको थियो ।
