कमल बिष्ट कपिलवस्तु । अमेरिकी सहयोग मिलिनिय च्यालेन्ज कर्पोरेसन ( एम.सी.सी.) सम्झौताको विरोधमा आन्दोलनमा रहेको नेत्रविक्रम चन्द (विप्लव ) नेतृत्वको नेपाल कम्युनिस्ट पार्टीका केन्द्रिय सदस्य भेषराज भुसालले (एम.सी.सी.) सम्झौता माओवादी केन्द्र र एमाले लाई सर्पको मुखमा छुचुन्द्रो जस्तो भएको बताउनुभएको छ , माओवादी र एमालेले एम सी सी पास नगर्ने हो भने मालिक रिसाउने खाएको ओकलेर मात्र छुट्टी नपाइने दलाली राजनीति कै भविष्य अन्धकार हुने र उस्तै परे भौतिक रुपमै सिद्धिने त्रास रहेको बताउदै एम सी सी पास गर्ने हो भने देशभक्त नेपाली जनताले डाडै कटाउने निश्चित छ भन्दै कडा टिप्पणी गर्नुभएको छ ।
सामाजिक सन्जालमा आफ्नो धारणा लेख्दै नेता भुषालले लेख्नुभएको छ : ” माके एमाले लाई एम सी सी सर्पको मुखको छुचुन्द्रो! अवधी भाषामा एउटा उखान छ जुन नेपाली भषाको उखान तातो दूध निल्नु न ओकल्नु सङ्ग मेल खान्छ। त्यो हो सापके मुहका छुचुन्दर भवा है। यसको अर्थ हो सर्पले छुचुन्द्रो टोक्दैन टोकि हाल्यो भने सर्प ठूलो सङ्कट्मा पर्छ अरे। छुचुन्द्रोलाइ ओकल्यो भने सर्पका आँखा फुट्छन अरे निल्यो भने सर्प मर्छरे।
अहिले माके एमाले हरुलाइ यस्तै भएको छ। एम सी सी पास नगर्ने हो भने मालिक रिसाउने खाएको ओकलेर मात्र छुट्टी नपाइने दलाली राजनीति कै भविष्य अन्धकार हुने र उस्तै परे भौतिक रुपमै सिद्धिने त्रास। राष्ट्रघाती एम सी सी पास गर्ने हो भने देशभक्त नेपाली जनताले डाडै कटाउने निश्चित छ।
” नेपालको विकास परियोजना निर्माणमा अमेरिकाले ५१ अर्ब (पाँच सय मिलियन डलर) र नेपाल सरकारले १३ अर्ब ३६ करोड (एक सय ३० मिलियन डलर) गरी ६४ अर्ब २६ करोड रुपैयाँ (६ सय ३० मिलियन अमेरिकी डलर) लगानी गर्ने योजनाअनुसार उक्त सम्झौतापत्रमा हस्ताक्षर भएको थियो। नेपालका विभिन्न भागमा करिब तीन सय किलोमिटर विद्युतीय प्रसारण लाइन निर्माण तथा तीन सय किलोमिटर सडक मर्मत गर्नु सहयोग सम्झौताअन्तर्गतका परियोजनाको उद्देश्य रहेको र नेपालको पूर्वाधार विकासमा यो नै हालसम्मकै सबैभन्दा ठूलो विदेशी अनुदान सहायता हो बनिएपनि पछिल्लो समयमा एम. सी. सी. कम्प्याक्ट भित्र रहेका केही बुदा लाई लिएर राजनितिक दलमा मात्र नभई बौद्धिक वर्गहरु समेत पक्ष बिपक्षमा मत बाडिएको देख्न सकिन्छ, एम.सि.सी. कम्प्याक्ट भित्र रहेका केही बुदा राष्ट्रिय स्वाधिनता र सार्वभौम सत्तामा आच आउने खालमा भएको भन्दै विभिन्न राजनितिक दल लगायत नागरिक समूहहरु पनि आन्दोलित भएका छन
