चन्द्रौटा कपिलवस्तु । दिपक खड्का
न्युनतम पारिश्रमिक नदिएपछि कपिलवस्तु जिल्लाको बुद्धभुमि नगरपालिकाका ईसिडी शिक्षक र विद्यालय कर्मचारी आन्दोलित भएका छन् । उनीहरु नगरपालिक गेट अगाडी स्थानिय सरकार आँखा खोल भन्दै घाम पानि नभनि आन्दोलित भएका हुन ।
समस्याप्रति तीनवटै तहका सरकार उदासिन रहेकोले बाध्य भई सडकमा उत्रिनु परेको उनीहरुले बताए । आफूहरुको जायज माँग अविलम्ब पूरा गर्न सरकारसँग माग गरे ।सरकारले श्रम ऐन अनुसार घोषणा गरेको सेवा सुविधाबाट आफूहरु बञ्चित रहेको भन्दै राजविराजका बालविकास र विद्यालयमा कार्यरत बालविकास सहजर्कता तथा कर्मचारीहरु आन्दोलित भएका हुन् ।
उनीहरुले पटक,पटक आफनो माग नगरप्रमुख समक्ष राखे पनि वेवास्ता गरेको गुनासो गरे । आफूहरुको माग अविलम्ब सम्बोधन नगरे चरणबद्ध रुपमा आन्दोलन चर्काउने उनीहरुले चेतावनी समेत दिएका छन् । सरकारले आर्थिक वर्ष २०७८/७९ को बजेट वक्तव्यमा समेत बालविकास सहजकर्ता र विद्यालयमा कार्यरत कर्मचारीको पारिश्रमिक प्रति महिना १५ हजार हुने उल्लेख छ । जसअनुसार संघीय सरकारबाट ८ हजार र स्थानिय सरकारबाट ७ हजार रकम उपलब्ध गराउने व्यवस्था गरे पनि स्थानिय सरकारले वेवास्ता गरेको आन्दोलित कर्मचारीले बताए ।
