चन्द्रौटा कपिलवस्तु । आज २९औं अन्तर्राष्ट्रिय अपांगता दिवस शिवराज नगरपालिकाको शिवगढीमा भव्यरुपमा मनाइएको छ । साथै कपिलवस्तुमा विभिन्न कार्यक्रम गरी मनाइएको छ । “कोभिड-१९ पश्चातको उत्कृष्ट पुनरागमनको सुनिश्चितता: अपाङ्गता भएका व्यक्तिहरुको पहुँच र दीगो विकासको लागि हामी सबैको प्रतिवद्धता” भन्ने नारा सहित शिवगढीमा दिवश मनाइएको वडा सचिव प्रेम ओलीले जानकारी दिएका छन् ।
कार्यक्रममा बोल्दै वडा न ९ का वडा अध्यक्ष चुर बहादुर खड्काले रोग नलुकाउना सबैलाई आग्रह गरेका छन् । कार्यक्रममा शिवराज नगरपालिकाको नगर प्रमुख नेत्रराज अधिकारीले अपांगता भएका व्यक्ति भित्र न्युन आय भएका व्यक्तिहरुलाई प्राथमिकता दिनु पर्ने बताए ।
अधिकारीले स्थानिय निर्वाचन पछि नगरपालिकाले निर्माण गरेको भौतिक पुर्वधार अपांग मैत्री भएको बताए । कार्यक्रममा शिवराज नगरपालिका उप प्रमुख शिवकुमारी थारुले आफनो संयोजकमा बनेको अपांग समन्वय समितिले परिचय पत्र प्रत्येक दिन वितरण गररेको र कोभिडको समयमा क वर्ग र ख वर्गको अपांगता भएका व्यक्तिहरुलाई खाद्धन सहयोग गरेको बाताइन् ।
कार्यक्रमको आयोजनना शिवराज नगरपालिका,शिवराज नगरपालिका वडा न ९ र दि लेप्रोशी मिशन नेपाल ईम्पाक्ट परियोजन रहेको वडा सचिव ओलीले बताए ।
