प्रिन्स मिश्रा कृष्णनगर । कृष्णनगर टुर एण्ड ट्रवल्स एसाेसियसनकाे आयाेजनामा दशैं,तिहारकाे अवसरमा शुभकामना आदानप्रदान कार्यक्रम सम्पन्न भएकाे छ।
एसाेसिएसनका संयाेजक रवि शाहकाे अध्यक्षतामा स्थानिय बुद्धिजीवी ,संघसंस्थाका प्रतिनिधि , उद्योग वाणिज्य संघ कृष्णनगरका पदाधिकारी लगायतकाे उपस्थितिमा शुभकामना अादान प्रदान कार्यक्रम आयाेजना गरिएकाे थियाे । कार्यक्रममा नेपाल र भारतका स्थानीय जनप्रतिनिधि , संघसंस्था प्रतिनिधि, संचारकर्मी तथा कृष्णनगर टुर एण्ड ट्रवल्सका पदाधिकारी लगायतले शुभकामना मन्तव्य राखेका थिए ।
दुवै देशमा विद्यमान राजनितिक, समाजिक, संस्कृतिक सम्बन्धलाई नियाल्दै वक्ताहरुले टुर एण्ड ट्रवल्स सेवाका माध्यमले पनि आपसी सम्बन्धमा मजबुती आउने बताएका छन ।
कार्यक्रममा इलाका प्रहरी कार्यालय कृष्णनगरका प्रहरी निरीक्षक शुकदेव पौडेल , बॉर्डर आउट पोस्ट कृष्णनगरका प्रहरी निरीक्षक निरञ्जन कार्की , (स्थाइ प्रहरी पोस्ट ) लिंक गेटका नायब निरीक्षक रेशम बहादुर जीसी ,भारत सिद्धार्थनगरका भाजपा युवा माेर्चा अध्यक्ष राजु शाही, उद्योग वाणिज्य संघ कृष्णनगरका अध्यक्ष रामकुमार गुप्ता,लायन्स क्लबका दिनेश चन्द्र गुप्ता, जसपा प्रदेश पाँच प्रवक्ता अकरम पठान,पिआरसीका भुमिराज भट्टराई , केआ आफन्त नेपालका जिल्ला संयोजक केसर विश्वकर्मा लगायतकाे उपस्थिति थियाे ।
