सर्लाही । सर्लाहीको चन्द्रनगर गाउँपालिकामा १०० अति विपन्न परिवारलाई राहत वितरण गरिएको छ । समाजिक कार्यमा अग्रसर चन्द्रनगरका युवा शिवनाथ राउत कहारको पहलमा फ्रिजे लाईट पोखराले आज चन्द्रनगर गाउँपालिका वडा नं. २ का ८० जना मुसहर परिवार तथा वडा नं. १ देखि ७ सम्मकै २० जना विपन्न तथा अपाङ्गता भएको परिवारमा राहत वितरण गरिएको हो ।
समाजिक कार्यमा सक्रिय युवा शिवनाथ राउतले विभिन्न संग संस्थाको पहलमा राहत वितरण गर्दै आएका छन् । लकडाउनले रोजगारी गुमिसकेको र स्थानिय तह बाट राहतको कार्यक्रम बन्द भएपछि कतिपय परिवारमा भोकमरीको समस्या आउने सक्ने अवस्थालाई मध्ये नजर गर्दै राहत वितरण गरिएको राउतले बताए ।
विपन्न परिवारलाई छानी छानी संस्था मार्फत राहत दिने काम गरेको फ्रिजे लाईटका प्रतिनिधि छिलिङ्ग लामा शेर्पाले बताए । राहतमा प्रत्येक परिवालाई २५ किलो चामल, मटर १ किलो , दाल १ किलो ,नुन १ प्याकेट, सोयाबिन १ किलो ,स्यानेटरी प्याड १ पिस , नुहाने साबुन २ वटा , खाने तेल १ लिटर लगायतका खधान्न वितरण गरिएको शेर्पाले बताए । राहत वितरण कार्यमा सहयोग गर्ने भग्यनारायण गुप्ता,सन्तोष पुर्बे , भरत महतो र रामबाबु मुखिया लगायत सबैलाई फ्रिजे लाईटले धन्यवाद दिएको युवा समाजसेवी राउतले कपुरी अनलाइनलाई बताए ।।
