चन्द्रोटा ।
कपिलवस्तुको पश्चिमी क्षेत्रका पुराना नेता टिकाराम पौडेलको आज बुढवलमा निधन भएको छ । पौडेलको बुढवल भिम अस्पतालमा उपचारको क्रममा आइतबार राति १० बजेको समयमा निधन भएको नगर प्रमुख नेत्रराज अधिकारीले जानकारी दिनु भयो ।
नगर प्रमुख अधिकारीका अनुसार उहाँमा विगत केही दिन देखि रुघा खोकी र श्वासप्रश्वास समस्या भएको थियो । श्वासप्रश्वास समस्या देखिए पछि चेकजाँच गराउदा कोरोना पोजेटिभ रिपोट आएको हो । ५८ बर्षीय पौडेल चन्द्रौटा क्षेत्रका बौद्धिक नेताका रुपमा परिचित थिए । उहाँका तीन बहिनी,एक छोरी एक छोरा र श्रीमती छन् । नगर प्रमुख अधिकारीले फेसबुक स्टाटस मार्फत गहिरो दुख व्यक्त गर्दे आफु मर्माहत भएको नगरलाई क्षति भएको स्टाटस लेखेका छन । फेसबुक मार्फत नेकपा नेता तथा कार्यक्रता र शुभचिन्तले समेत दुख व्यक्त गरि स्टाटस लेखेका छन् ।
