हामी साढे तिन करोड नेपाली जनताको गुरु हाम्रो अभिभावक देशको एक सच्चा, इमान्दार र निष्टावान देशप्रेमी लिडर हो नेपाल कम्युनिष्ट पार्टी (नेकपा)का अध्यक्ष तथा प्रधानमन्त्री केपी ओली । यदि यस संसारमा एक व्यक्ति छ, जो हामी नेपाली जनतालाई साँच्चै प्रेम गर्दछ, हामी नेपाली जनतालाई हेरेर जिउने गर्दछ र नेपाली जनतालाई सजिलै आत्मसात गर्छ भने त्यो प्रधानमन्त्री आली हो । तपाई हामी नेपाली मनको प्रेम हुनुहुन्छ । नेपाली जनता तपाईंलाई जीवन भरी साथ दिन चाहन्छौ. । यो शरीरमा अदभूत बल छ । तपाईको आत्मा बलले सारा दुनियाँ चकित छ । कामले त झन सबै लोकप्रिय छ ।
तेह्रथुमको आठराईमा जन्मनुभएका प्रधानमन्त्री ओलीलाई सानै उमेरमा आमाले यो धर्तीबाट छाडेर जानुभयो । बुबा मोहन प्रसाद ओलीले हुर्काउनुभएका उहाँलाई सानै उमेरमा सर्पले सिरमा सिरानी दियो । अरु भएका भएत डस थियो नै होला तर देशभक्त छोरा भनेर चाटी चाटी माया गरो । खेतीपाती सबै खोलाले बगायो घरबाट नै उठिबास लाग्यो । त्यहाँदेखी बुबाले झापा ल्याउनुभयो । झापादेखि नै प्रधानमन्त्री ओलीको परिक्षाको घडी सुरु भयो ।
उहाँलाई पञ्चायतले जेलको बाटो देखायो १४ बर्ष जेल बसायो तर अपराध गरेर होइन । जनता लागि बस्नुभयो । त्यहाँ नै देखि प्रधानमन्त्री आलीले सुखी समृद्धको सपना देख्नुभयो । अनि यो शरीरले चौध बर्ष जेललाई पार लगाउनुभयो । उहाँको शरीरले हेलिकप्टर दुर्घटना पारलगायो । यो शरीरले दुई पटक मृगौला फेरेर र पनि प्रधानमन्त्री ओलीले देशलाई छाडेर बिलय हुनुभएन । यो शरीले त्यो संकटलाई पनि पार लगाउनुभयो । त्यस्तै नाकाबन्दी, भुकम्प पारलगाउनुभयो । त्यस्तै यो शरीरले कोरोना परलगाउदै हुनुहुन्छ । उहाँ सबै संकट पार लगाउन सफल हुनुभएका उहाँले त्यो फोगट ५ गुटेहरुलाई त्यसै पार लगाउनु हुनेछ भन्नेमा म ढुक्क छु ।
आजसम्म बिगतमा कति सरकार र शासन फेरियो तर भारतीय बिस्तारवाद बिरुद्धको अन्याय र थिचोमिचोका बिरुद्ध बोल्ने प्रधानमन्त्री वा शासक पाउन सकिएन जुन आज हामीले पाएका छौं । गर्वको कुरा हो, सम्माननीय प्रधानमन्त्री केपी ओलीज्यूको ‘समृद्ध नेपाल : सुखी नेपाली’को दृढ चाहनालाई अब हामी सबै मिलेर साकार पार्नु छ ।
राज्यको उत्पतीसँगै नेपालको इतिहासकै राष्ट्रवादी प्रधानमन्त्री केपी शर्मा ओली रहनुभएको उहाँको व्यहार तथा भिजनबाट प्रष्ट भएको छ । नेपालको सन्दर्भमा राज्यको उत्पत्तीको सवालमा दैविक शक्तिको सिद्धान्त, विकासवादी सिद्धान्त, मातृसतात्मक सिद्धान्त, पितृसतात्मक सिद्धान्त तथा सम्झौताको सिद्धान्तका बिच एक आपसमा कडा प्रतिस्पर्धा हुँदै आयो । जुन हालसम्म पनि यथावत रहेको छ । जसमा प्रमुख प्रतिपक्षी दल नेपाली कांग्रेसले दैविक शक्तिको सिद्धान्तलाई आत्मसात् गर्यो । त्यस्तै कम्युनिष्टहरुले माक्र्सवादी सिद्धान्त जुन सम्झौतावादको सिद्धान्तलाई आत्मसात् गर्यो । सम्झौताको आधारबाट नै हाल विश्वमा सम्पूर्ण मुलुकहरु सञ्चालनमा रहेको छन् । जसमा नेपाल, चीन, भारतलगायतका छिमेकी मुलुकहरु पनि सोही अनुसार अघि बढेका छन् ।
त्यही कम्युनिष्ट वा माक्र्सवादको राज्यको उत्पत्तीको सवालमा नेपालको समय सान्दर्भिकतालाई प्रधानमन्त्री केपी शर्मा ओलीले आत्मसात् गर्नुभयो । जसले गर्दा दुई छिमेकी विशाल देश चीन र भारतको बिचमा रहेको नेपालले आफ्नो राष्ट्र, राष्ट्रियता, राष्ट्रिय स्वाधिनता, सार्वभौम अखण्डता, स्वाधिनतालगायतका कुराहरुमा दृढताका साथ अडान, विश्वास र भरोसायुक्त चट्टानी अडान राख्नुभयो । जसका कारण गुमेको नेपाली भुमि लिम्पियाधुरा, लिपुलेक, कालापानी लगायतका क्षत्रेहरु फिर्ता आउने क्रममा रहेको छ । भारतीय एकाधिकारको अन्त्य भएको छ । नेपाल आत्मनिर्णय गर्न स्वतन्त्र मुलुकको रुपमा विश्वमा एक आफ्नै पहिचान स्थापना गर्न सफल हुँदै गएको छ ।
प्रधानमन्त्री ओलीकै नेतृत्वमा चीनसँगेको पारवहन सन्धी भयो । जसले भारतीय एकाधिकारको अन्त्य मात्र भएन, नेपाल ल्याण्ड लकबाट ल्याण्ड लिक कन्ट्रीको रुपमा स्थापीत हुँदै गयो । जसबाट भारतलाई रिझाउन नसकेको खण्डमा नाकाबन्दी भए नेपालमा भोक भोकै बस्नुपर्ने अवस्थाको अन्त्य भयो । नेपाली जनताको स्वतन्त्रतामा थप उर्जा प्राप्त भयो ।
प्रधानमन्त्री ओलीले नेपालमा रेल सञ्चालन गर्ने प्रशस्त सम्भावना रहेको र त्यो आफ्नै कार्यकालमा पुरा गरेरै छोड्ने योजना ल्याउनुभयो । जसले गर्दा भारत तर्फको एकाधिकार समाप्त हुने देखियो । व्यापार, व्यवसाय, रोजागरीलगायतका असंख्य योजनाहरु एक पछि अर्को गर्दै ल्याउनुभयो । जसबाट नेपालको आर्थिक वृद्धिदर उच्च हुँदै मात्र गएन । विश्वमा विकसित मुलुकहरु भन्दा उत्कृष्ट हुने भयो ।
१० हजार मेगावट विजुली १५ वर्षमा उत्पादन गर्ने सरकारले नीति लियो । जसले गर्दा अध्यारो युगको अन्त्य मात्र भएन भारतबाट विद्युत आयात गरी १८ घण्टासम्मको लोडसेडिङ् खेप्नुपर्ने अवस्थाको अन्त्य भयो । अध्यारो युगको अन्त्यसँगै उज्यालो यात्रा तय भयो । विगतमा भारतबाट विजुली ल्याई लोड्सेडिङ्को अन्धकार युगमा बसेका नेपालीले अब भारबाट विद्युत खरिद गर्ने नभई भारतलाई विक्रि गर्ने चरणमा प्रवेश गर्दैछ ।
भौतिक विकासको साथ साथै राष्ट्रिय स्तरका साना तथा ठूला आयोजनाहरु बनाउने योजना मात्र हैन, काम नै तिव्र गतिमा अघि बढ्न थाल्यो । यस्तै प्रधानमन्त्री ओलीले मात्र हैन, घर घरमा ग्यासको पाईप, हावाबाट विजुली, नेपालको आफ्नै पानी जहाजलगायतका दिर्घकालिन योजना ल्याउँदा कतिपयले त्यसको उछिटो नै काड्न भ्याए । तर ति एक पछि अर्को गर्दै पुरा हुँदै जान थालेका छन्, विरोधीका अनुहार रातोपिरो हुन थालेको छ ।
प्रधानमन्त्री ओलीको योजनाले विपक्षीको चार हात माथि उफ्रिएर विरोध गर्नेहरु उक्त सपनाको विरुद्ध सम्पूर्ण शक्तिहरु लगाएर उभिन्छन् उनीहरु । प्रधानमन्त्रीको एउटा योजना फ्याक्दा विपक्षीहरुको १५ दिनसम्म घाइते हुन्छन् । देशदेखी विदेशसम्म, सदनदेखी फेसबुकसम्म यसरी नै चलिरहेको छ उनीहरुको दैनिकी । उनीहरुमा देशविकासको न कुनै योजना नै छ, न कुनै सपना नै, न आत्मबल नै, नत विश्वास नै छ, नत आँट नै छ । भारत निर्भर अर्थराजनीतिलाई स्वतन्त्र बनाउने कुरा सुन्दा बेहोस हुन्छन् । राष्ट्रिय उद्योगहरु बेचेर युवालाई ५०/५५ डिग्रीको तातो घाममा रोजगारीको लागि विदेश पढाई तिनको रेमिट्यान्सबाट सरकार सञ्चालन तथा दिल्लीको दलाली गरेर आफु सत्तामा रहन भारतको गुलामी तथा दलाली गर्नुनै उनीहरुको राजनीति रहेको छ ।
त्यसैले प्रधानमन्त्री केपी ओलीले त्यस्ता व्यक्तिलाई पाखा लगाई मुलुकको लागि समर्पित यस्ता राजनेता जो सधैं देश र जनताको बारेमा मात्र चिन्तन गरिरहने नेपाली जनताका सच्चा अभिभावक लाई उच्च सम्मान ब्यक्त गर्दछु ।
