चन्द्राैटा
कोरोना भाइरसको प्रकोपको सम्भाब्यता संगै माक्सको कालो बजारी गर्ने माथि स्थानियले गुनासाे गरे पछि इलाका प्रशासन कार्यालय चन्द्रौटाले अनुगमन गरेकाे छ । चन्द्राैटा चाैकमा रहेकाे गुलशन मेडिकल हल र नीरज मेडिकलले फरक फरक मुल्यमा मास्क विक्री गरेकाे सुचनाकाे आधारमा अनुगमन गरिएकाे इलाका प्रशासन कार्यालय चन्द्रौटाका प्रमुख सूर्य बहादुर खत्रीले बताए ।
बजारमा ८५ रूपैया पर्ने मास्कलाई तिन सयमा बेचे पछि प्रशासनले आज छापा हानेको थियाे । सरकारले मास्क अनिवार्य गरे पछि शिवराज नगरपालिका चन्द्रौटामा रहेको गुलशन मेडिकल हल र नीरज मेडिकलले महँगो मूल्यमा मास्क विक्री गरेका पाईएको खत्रीले बताए ।
गुलसन मेडिकलले सय रुपैया पर्ने मास्कलाई ३ सय र नीरज मेडिकलले २ सय मा बिक्री गरेका थिए । बजार आउने सर्वसाधारणलाई प्रशासनले मास्क लगाउन कडाइ गरे पछि नागरिकहरू मास्क किन्न औषधी पसल पुगेका थिए । बढी रकम लिए पछि प्रशासनमा आज लिखित उजुरी परेको थियो । शिवराज नगरपालिका वडा नं. ५ का स्थानीयले उजुरी दिए पछि साँझ ५ बजे अनुगमन गरिएको थियो । पसलमा रहेका के एन ९५ र सर्जिकल मास्क जफत गरिएको खत्रीले बताए । कोरोनाको प्रभावको चर्चा संगै बजारमा कतिपय ब्यवसायीहरुले माक्स लुकाउनुका साथै बढी मुल्यमा बेच्न थालेपछि सरकारले कडाई गर्न स्थानीय प्रशासनलाई निर्देशन दिएको छ ।
