राम कुमार शर्मा श्रावण २०, आइतवार
रङ्गेली । धनपालथान ३ चेका पुल मा अरनिको कलेजको बसले साइकल चालकलाई ठक्कर दिँदा साइकल चालकको मृत्यु भएको छ।
बिहान ०९:३० बजे तिर विराटनगरको अरनिको कलेजको को १ क १७०० नमबरको बसले विद्यार्थीलाई लिन रङ्गेलीतिर जाने क्रममा सोही दिशातिर जाँदै गरेको साइकललाई ठक्कर दिएर दुर्घटना भएको हो। घाइतेलाई उपचारको लागि रङ्गेली अस्पताल लगेको थियो। उपचारको क्रममा ५५ वर्षीय धनपालथान ३ निवासी जगन्नाथ ठाकुरको मृत्यु भएको रङ्गेली अस्पतालले जानकारी दिएको छ ।
प्रहरी असई दिनेश कटवालका अनुसार बसले साइकल चालकलाई ठक्कर दिएपछि १६६ फिट परसम्म घिसारेर लगेको थियो।
दुर्घटना स्थल वाट बस चालक झापाको कन्काई नगरपालिका–१ का ५७ वर्षीय इन्द्रप्रसाद मिश्रलाई नियन्त्रणमा लिई इलाका प्रहरी कार्यालय रङ्गेलीमा राखिएको र घटनाको अनुसन्धान जारी रहेको इलाका प्रहरी कार्यालय रङ्गेलीका इन्सपेक्टर सन्तोष श्रेष्ठले बताउनु भयो ।
