आर.ए. अन्जान
चन्द्रौटा, २० साउन ।
कपिलवस्तुको शिवराज नगरपालिका वडा नम्बर-१ मा वृक्षारोपण गरिएको छ । उमरीमा आइतबार चार संस्थाको संयुक्त वृक्षारोपण कार्यक्रम गरिएको हो । रोटरी क्लब अफ कपिलवस्तु, रोट्रयाक्ट क्लब अफ कपिलवस्तु, ईन्ट्रयाक्ट क्लब अफ शिवगढी तथा पतन्जली योग समितिको संयुक्त रुपमा वृहत रुपमा वृक्षारोपण कार्यक्रम गरिएको रोट्रयाक्ट क्लबका अध्यक्ष विष्णु पाण्डेले बताउनुभयाे । 
एक रोट्रयाक्टर २ विरुवा वृक्षारोपण नारालाई पूरा गर्ने उद्देश्यले वृक्षारोपणको कार्यक्रमको आयोजना गरिएको पाण्डेको भनाई छ । वातावरण स्वाच्छ सफा राख्न आफ्नो दायित्व निर्वाह गर्दै नितान्त सामाजिक सेवा भावकोरुपमा आफूहरु लागी परेको उहाँले बताउनुभयाे । 
यस्तै सगुन, कोइराला, बेलौती, बकाइनो लगायत प्रजातिका ५ सय २५ वटा विरुवा रोपण गरिएको रोटरी क्लवका अध्यक्ष बाल कृष्ण पाण्डेयले जानकारी दिनुभयाे । यस कार्यक्रमको माध्यमबाट जलवायु परिवर्तनलाई सकारात्मक प्रभाव पार्ने बताउँदै इन्ट्र्याक्ट क्लब अफ शिवगढी, पतञ्जली योग र स्थानीय सामुदायिक वनका अध्यक्ष लगायतका प्रतिनिधिहरुले कार्यक्रमलाई सम्बोधन गर्नुभएकाे थियाे ।
