काठमाण्डाै – पछिल्लो ३ घण्टामा मकवानपुरको मकवानपुर गढी र हेटौँडामा ठूलो पानी परेको छ ।

यी क्षेत्र भइ बहने कर्रा, सम्री खोला र अन्य स–साना खोलामा आकस्मिक बाढी आउन सक्ने जोखिम रहेकाले तटीय क्षेत्र तथा डुबान भइरहने होचा भूभागमा रहनुहुनेले दिउँसोसम्म सतर्कता अपनाउन बाढी पूर्वानुमान महाशाखाले आग्रह गरेको छ ।

मनसुन सक्रिय भएसँगै देशभर झरी परेको छ । बाढी पहिरोसँगै डुबानको जोखिम रहेकाले सतर्कता अपनाउन मौसमविद्को आग्रह गर्दै आएका छन् ।