शिवराज नगरपालिका वडा न ४ पिपरामा मा दुइ व्यक्तिको विवादले गर्दा महिनो सम्म रोकिएको आर सिसि सडक निर्माण कार्य सम्पर्न भएको छ ।
शुक्रवार दुवै पक्षले शिवराज नगरपालिकाका मेयर अजय थापालाई गाँउ मै छलफल गरि काम सुचारु गर्न आग्रह गरेका थिए । शिवराज नगरपालिका वडा न ४ का वडा अध्यक्ष अध्यक्ष नसिम अहमम्द खाँ सहित निर्माण स्थलमा गइ अनुगमन गरेपछि दुवै पक्ष सहमतिमा आएका थिए ।
वडा न ४ पिपरा निवासी मोहम्द नसिम मुसलमानले न्यायिक समितिमा उजुरी दिएकोले नगर प्रमुख थापाले उक्त गाँउका व्यक्तिहरुको उपस्थितिमा दुवै पक्षको सल्लाह अनुसार काम अगाडि बढाउना निर्देशन दिएका थिए । स्वयम मोहम्द नसिम मुसलमानले आफनो जग्गाको पश्चिम तर्फबाट
३ मिटर ९० सेन्टीमिटर जग्गा नापजाँच आग्रह गरेको र उनको सहमतिमा बिच सेन्टर देखि सडकको मध्यभाग दुइ -दुइ मिटर आधार मानी सडक छुटाइएको उपभोक्ता समितिका अध्यक्ष नुर मोहम्द मुसलमानले बताए । दुइ व्यक्तिको आपसी झगडाले सडक अवरुद्ध गर्नु र गाँउलेको निकास रोक्नु गैर मानविय भएको मुसलमानले बताए ।
सडक महिनो सम्म अवरुद्ध गरेको न्यायिक समितिमा उजुरी परेपछि नगर उपप्रमुख शिव कुमारी थारुको आग्रहमा उक्त सडकको अनुगमन र दुवै पक्षको सहमतीमा सडक निर्माण अगाडी बढाइएको नगर प्रमुख थापाले बताए ।
थापाले वडा न ४ का अध्यक्ष नसिम मुसलमानको उपस्थितीमा उक्त निर्माण स्थलमा गाँउलेको समेत उपस्थिमा सहमती भएको बताए । विकास निर्माणमा कसैले अवरोध गर्न नहुने बताए ।
