हेटौंडा — मकवानपुरको बकैया गाउँपालिका—११ सिमातमा बुधबार ट्र्याक्टर दुर्घटना हुँदा २ जनाको मृत्यु भएको छ । मृत्यु हुने दुवै जनाको पहिचान खुलेको छैन ।

कान्तिलोकपथको ठिगनबाट हेटौंडातर्फ आइरहेको ना ४ त ६०७५ नम्बरको ट्र्याक्टर सडकबाट २ सय ५० मिटर तल खसेको थियो ।

मृतकमध्ये एक जनाको घटनास्थलमै र एक जनाको उपचारका लागि हेटौंडा ल्याउँदै गर्ने क्रममा बाटोमै मृत्यु भएको प्रहरी निरीक्षक राजकुमार सापकोटाले बताए  । ‘घटनास्थलमा प्रहरी पुगेको र थप अनुसन्धान गरिरहेको छ,’ उनले भने ।