शिवराज । आगलागी बाट पुर्ण रुपमा क्षति भएका दुई पसललाई ब्यापार संघ कपिलवस्तुले नगद रकम सहयोग गरेको छ ।

ब्यापार संघले विहान ८ बजे संघको आक्सिमक बैठक आवहन गरी आगलागी भएका दुई पसललाई सहयोग गर्ने निर्णय गरेको थियो । निर्णय लगतै ब्यापार संघले आगलागी स्थलमा पुगी अग्नि पिडित ब्यवासायी बाबुराम गीरी र बिष्णु भुषालाई चेक मार्फत ५० हजार रकम उपलब्ध गराएको ब्यापार संघले जनाएको छ ।

साथै ब्यापार संघले आफनो बैठकबाट अब हुने प्राकृतिक प्रकोपलाई ध्यानमा राख्दै प्रकोप तथा विपत ब्यवस्थापन कोष स्थापन गर्ने निर्णय गरेको छ । कोष स्थापनाले ब्यवासीलाई हित हुने र आकस्मिक रुपमा हुने नोक्सानीमा सहयोग पुग्ने संघका केन्द्रिय सदस्य महादेव पोख्रेलले जानकारी दिए ।