संजीव गहतराज। चन्द्रौटमा सर्बाधिक १ लाखको प्रथम पुरस्कार राशि रहेको भलिवल प्रतियोगिता हुदै गर्दा आफ्नो इतिहास जोगाउनका लागि शिवराज नगरपलिका वडा नं.९ मा प्रत्येक घर घरबाट चन्दा संकलन गरि फुटबल प्रतियोगिता आयोजना गर्न लागिएको छ । बुट्वलमा रहेको जितगढी पछिको किल्लाको रुपमा अनुमान गरिएको आफैमा प्राचिन सभ्यता बोकेको र धार्मिक रुपमा पनि महत्व बोकेको क्षेत्र शिवगढीलाई प्रचार प्रसार गर्नका लागि प्रत्येक घरधुरीबाट, विदेशमा बस्ने गाऊका खेलाडी भाईहरुसंग र दैनिक ज्याला, मिस्त्रीहरु गर्ने ब्यक्तीहरु संग चन्दा संकलन गरि प्रतियोगिता आयोजना गर्न लागिएको आर्थिक संकलन समिति संयोजक अभिनाष रोकामगरले जानकारी दिनुभएको छ । समुन्द्री सतह देखि ९५४ मिटर अग्लो स्थानमा रहेको किल्लामा युद्ध सामाग्रि तोप भेटिए पछि नेपाली सेनाले आफ्नो नियन्त्रणमा लिई लगेको र शिवगढी क्षेत्र आफैमा ऐतिहासिक महत्व बोकेकोले यसको प्रचार प्रचार गर्नका लागि विगत ११ वर्ष देखि फुटवल प्रतियोगिता आयोजना गर्दै आईरहेको आयोजक गोल्डेन स्टार युवा क्लब बानियाभारले बताएको छ ।
बिजया दशमीको अवसरमा शिवगढी नक आउट महिला तथा पुरुष फुटबल प्रतियोगिता आयोजना गर्ने पत्रकार सम्मेलन मार्फत बताईएको छ । गोल्डेन स्टार युवा क्लब बानियाभारले यहि असोज १२ गते देखि २७ गते खेल संचालन गर्ने भएकोले टिम दर्ता गर्नका लागि पत्रकार सम्मेलन मार्फत अनुरोध समेत गरीएको छ ।
पुर्व पच्शिम राजमार्ग देखि २ किलो मिटर भित्र शिवराज नगरपालिका वडा नं ९ अन्तर्गत पर्ने बानियाभारले बिगत ११ बर्ष अगाडी देखि बिजया दशमीमा खेललाई निरन्तरता दिदै आएको हो । कोभिडका कारण २ बर्ष स्थगित भएको यो खेल कोविड १९ कम भए संगै यस बर्ष निरन्तरता दिने आयोजकले निर्णय गरेको क्लवका अध्यक्ष ईश्वर गीरीले बताउनुभएको छ ।
खेलकुदको माध्येमबाट ऐतिहासिक तथा धार्मिक क्षेत्र शिवगढीलाई पर्यटकिय क्षेत्रको रुपमा बिकाश गराउने, खेल क्षेत्रमा सरोकारबालाहरुको बिशेष गरी आधिकारीक निकाय एन्फा समेतको चासो र जिम्मेबारी बड्न गई स्थानीय क्षेत्रको खेलकुदमा संस्थागत खेलाडीहरुमा पेशागत तथा व्यक्तिगत बिकाश गराउने उदेश्यले प्रतियोगिताको आयोजना गरीएको क्लबले जानकारी दिएको छ ।
प्रतियोगिताको बिजेताले नगद रु ५१, हजार कप मेडल र प्रमाणपत्र उपबिजेताले नगद रु २५,हजार मेडल र प्रमाणपत्र पाउने आयोजकले जनाएको छ । सेमिफाईनल प्रवेश दुवै टिमलाई नगद ५ हजार ५ हजार पाउने आर्थिक संकलन समिति संयोजक अभिनाष रोकामगरले जानकारी दिनुभएको छ ।
महिलातर्फ बिजेताले १५ हजार नगद कप मेडल र प्रमाण पत्र दोस्रोले नगद ६ हजार कप मेडल र प्रमाण पत्र पाउने छ खेलमा सहभागीताको लागी असोज १० गते बेलुकी छ बजे सम्म दर्ता गर्न सकिने आयोजकले संस्थाका सल्लाहकार बिक्रम के सि ले जानकारी दिनु भयो ।
प्राचिन सभ्यता र धार्मीक महत्व जोगाउन फुटबल प्रतियोगिता बिजेतालाई ५१ हजार
