कमल बिष्ट / कपिलवस्तु राइजिङ्ग स्टार युवा क्लब शिवराज नगरपालिका ५ चन्द्रौटा कपिलवस्तुले आयोजना गरेको सर्वाधिक पुरस्कार रासिको भलिबल प्रतियोगिता भोली असोज १ गते ११ बजे एक भव्य समारोहका बिच समुद्घाटन हुने भएको छ, प्रतियोगिता समुद्घाटनका लागि तयारी अन्तिम चरणमा रहेको क्लबका अध्यक्ष प्रदिप थापाले जानकारी दिनुभयो ।
प्रतियोगिता बारे जानकारी दिदै खेल संयोजक भरत पुन (शैलेन्द्र ) ले प्रतियोगितामा पुरुष भलिबल तर्फ खुल्ला सहभागीतामूलक प्रतियोगिता मा भाग लिन रुकुम, रोल्पा, तनहुँ , स्याङ्जा पर्वत लगायत ११ टिमले टिम दर्ता गरीसकेको र बिभागीय टिमहरु पनि दर्ताका लागि कुरा भैरहेको बताउनु भयो स्थानीय महिला प्रतियोगिमा ९ टिमले टिम दर्ता गरिसकेको जानकारी दिनुभयो ।
प्रतियोगितामा पुरुष तर्फ प्रथम पुरस्कार नगद रु १ लाख १ हजार, द्वीतीय पुरस्कार ७१ हजार, तृतीय पुरस्कार ४१ हजार , सान्त्वना पुरस्कार नगद २१ हजार साथमा शिल्ड, मेडल र प्रमाणपत्र प्राप्त गर्नेछन भने महिला तर्फ हुने प्रतियोगितामा प्रथम हुने टिमले नगद रु १० हजार , द्वीतीय हुने टिमले नगद रु ५ हजार प्राप्त गर्ने संयोजक पुनले बताउनुभयो । प्रतियोगिता असोज १ गते देखि ६ गते सम्म सन्चालन हुने प्रचार प्रसार सम्योजक गम्भीर पुन (शिरीष)ले जानकारी दिनुभयो ।
