कमल बिष्ट / कपिलवस्तु राइजिङ्ग स्टार युवा क्लब शिवराज नगरपालिका ५ चन्द्रौटा कपिलवस्तुले ठुलो पुरस्कार रासिको भलिबल प्रतियोगिता आयोजना गर्ने घोषणा गरेको छ । चन्द्रौटामा आज पत्रकार सम्मेलन गरी आयोजकले पुरुष तर्फ खुल्ला भलिबल तथा महिला तर्फ स्थानीय महिला भलिबल प्रतियोगिताको आयोजना गरेको जानकारी गराएको हो ।
प्रतियोगिता बारे जानकारी दिदै खेल संयोजक भरत पुन (शैलेन्द्र ) ले प्रतियोगितामा पुरुष भलिबल तर्फ खुल्ला सहभागीतामूलक प्रतियोगिता हुने र महिला तर्फ स्थानीय महिलाहरु सहभागी हुने जानकारी दिदै ४० भन्दा बढी जिल्लाका पुरुष खेलाडिहरुले सहभागिताका लागि चासो देखाएको बताउनुभयो । प्रतियोगितामा पुरुष तर्फ प्रथम पुरस्कार नगद रु एक लाख एक हजार, द्वितीय पुरस्कार ७१ हजार, तृतीय पुरस्कार ४१ हजार , सान्त्वना पुरस्कार नगद २१ हजार साथमा शिल्ड, मेडल र प्रमाणपत्र प्राप्त गर्नेछन भने महिला तर्फ हुने प्रतियोगितामा प्रथम हुने टिमले नगद रु १० हजार , द्वीतीय हुने टिमले नगद रु ५ हजार प्राप्त गर्ने संयोजक पुनले बताउनुभयो ।
चन्द्रौटाको खेल मैदानमा यहि असोज १ देखि ६ गते सम्म सन्चालन हुने प्रतियोगिता लिगकम नकाउट नियममा खेलाइने र टिम सहभागिताका लागि इ-बैंकिङ माध्यम बाट रु ३ हजार शुल्क बुझाएर टिम दर्ता गरी प्रतियोगितामा सहभागिता जनाउन सकिने क्लबका अध्यक्ष प्रदिप थापाले जानकारी दिनुभयो । खेल सम्पन्न गर्न करीब १० देखि १५ लाख खर्च हुन सक्ने अनुमान गर्दै स्थानीय स्तरबाट स्थानीय सरकार , उद्धोगी, ब्यापारी खेलप्रेमि जनसमुदाय बाट आर्थिक संकलन गरेर प्रतियोगिता भव्य र सानदार रुपमा सम्पन्न गर्ने र खेल गतिविधि बाट युवाहरुको खेल कला कौशलमा टेवा पुर्याउने आयोजकको लक्ष्य लिएको बताउदै सबैको साथ र सहयोगको आयोजकले अपेक्षा राखेको बताउनुभयो।
राइजिङ स्टार युवा क्लबका अध्यक्ष प्रदिप थापाको अध्यक्षता ,शिद्धिमान जिसिको स्वागत , सचिब अरुण सेनको संचालनमा सम्पन्न कार्यक्रममा शिवराज नगर खेलकुद विकास समितिका संयोजक नेत्र बेल्बासेको आतिथ्यता, क्लबका उपाध्यक्ष धनन्जय शाही, पुरुष भलिबल टिम कप्तान बिनोद राहु मगर, महिला भलिबल कप्तान सुमित्रा बुढा मगरको समेत सहभागिता रहेको थियो ।
