शिवराज नगरपालिका वडा न ३ मा रहेको लोकल कुखरा पाकेट क्षेत्रका कुखुरा पालन कृषकलाई मुख्य मन्त्रि ग्रामिण रोजगार कार्यक्रम वाट ४० घरधुरीलाई खोर वितरण गरिएको छ । शिवराज नगरपालिकाको वडा न ३ लाई लोकल कुखरा पकेट क्षेत्रका रुपमा विस्तर गरिने वडा न ३ का वडा अध्यक्ष टेकलाल सापकोटाले बताए ।
गरिब तथा विपन्न परिवारका ४० जनालाई कुखुराको खोर वितरण कार्यक्रममा वडा न ३ को भितरिया गाँउ कुखुरा पालनका लागि उपयुक्त ठाँउ भएकोले खोर वितरण गरिएको शिवराज नगरपालिका उप मेयर शिवकुमारी थारुले बताइन् । खोर वितरण कार्यक्रममा बोल्दै उप मेयर थारुले शिवराज नगरपालिकाले शिक्षा,स्वास्थ्थ संगै व्यक्तिहरुको आयमुल्क कार्यमा शिवराज नगरपालिकाले लगानी गर्दे आएको बताइन् ।
खोर वितरण कार्यक्रममा शिवराज नगरपालिका मेयर नेत्रराज अधिकारीले स्थानिय कुखुरा पालक कृषकलाई आत्मनिर्भर बनाउना नगरपालिकाले मुख्य मन्त्रि ग्रामिण विकास तथा रोजगार कार्यक्रम अन्तर्गत खोर वितरण गरिएको अधिकारीले बताए । मेयर अधिकारीले प्रयोजन अनुसार काम गर्न कृषकलाई आग्रह गरेका थिए । सरकारले दिएको सामाग्री प्रयोग भए नभएको अनुगमन समेत गरिने बताए ।
