कमल बिष्ट
कपिलवस्तु-तेस्रो शिवगढी महा शिवरात्री मेला तथा विविध सास्कृतिक कार्यक्रम शिवराज नगरपालिका ९ को रमुवादहमा आज देखि शुरु भएको छ, शिवगढी पर्यटन विकास संस्थाको आयोजनामा शुरु भएको मेलाको लुम्बिनी प्रदेशका प्रदेश सभा सदस्य अर्जुन केसीले आज समुद्घाटन गर्नुभयो ।
प्रमुख अतिथिको रुपमा बोल्दै केसीले शिवगढी धार्मिक हिसावले देवाधिदेव महादेवको मन्दिर र त्यसप्रति भक्तजनको आस्था र विश्वासका हिसावले महत्त्वपूर्ण आस्थाको धरोहर र एतिहासिक हिसावले बीर गोर्खाली सैनिकले अंग्रेज़ सङ्ग युद्धा लड्नका लागि रोजेको गढी किल्लाका हिसाबले समेत महत्वपूर्ण रहेकाले यस क्षेत्रको विकास र प्रवद्धनमा सबै लाग्नुपर्ने बताउदै आफ्नो साथ र सहयोग सदा रहने समेत बताउनुभयो ।
कार्यक्रममा बोल्ने अन्य वक्ताले शिवगढीको विकासले त्यस क्षेत्रको मात्र नभई समग्र देशकै लागि महत्त्वपूर्ण हुने हुदा यसको विकासमा सबै लाग्नुपर्ने बताए ।
महा शिवरात्री मेला फागुन २५ बाट शुरु भै २७ गते सम्म चल्नेछ, कार्यक्रममा बिभिन्न राष्ट्रिय स्तरका कलाकारहरुको साङ्गितिक प्रस्तुति, बाल उद्धान, डुङ्गामा जल सयर लगायत मनोरञ्जनका बिभिन्न साधनहरुको समेत ब्यवस्थापन मिलाइएको छ ।
धार्मिक र एतिहासिक पुण्यभूमी शिवगढीको विकास र प्रवर्द्धनका लागि मेला समुद्घाटनको औपचारिक कार्यक्रम संस्थाका अध्यक्ष मालबहादुर घर्तीको अध्यक्षता, सदस्य पार्वती सुबेदीको स्वागत र बिक्रम केसीको संचालनमा सप्पन्न भएको हो ।
