सर्लाही, २२ फागुन। सर्लाही चन्द्रनगर गाउँपालिका वडा नं। २ बस्ने समाजसेवी शिवनाथ राउतको जन्मदिनको अवसरमा प्रदेश नं। २ का प्रदेश सभा सदस्य उपेन्द्र महतोले गरेको प्रतिबद्धता अनुरूप अपांग मैत्री स्कूटर दिनुभएको छ ।
समाजसेवी शिवनाथ राउत कहार शाररीरिक रुपमा अशक्त भए पनि समाजसेवामा निरन्तर सक्रिय रहदैँ आएको छ । राउतको समाज सेवा प्रतिको लगनशिलता र लौरोको सहारामा विभिन्न ठाउँमा जादाँ आउँदा पर्ने अप्ठेरोलाई केहि हद सम्म कम गर्नकै लागु आफु समाजसेवी राउतलाई अपाङ्ग मैत्री स्कूटर प्रदान गरेको प्रदेश सभा सदस्य महतोले बताउनुभयो ।
अंग्रेजीमा स्नातक गरेका शिवनाथ गाउँकै सरकारी स्कुलमा गणित र अंग्रेजी पढाउँछन्। उनी निजी स्रोतबाट नियुक्त प्राथमिक तहका शिक्षक हुन्। यसबाहेक अपांगता भएका, दलित तथा विपन्न बालबालिकासम्म शिक्षाको पहुँच पुर्याउन पनि उनी केहि वर्षहरु देखि खटिरहेका छन्।
शिवनाथको काम अरूलाई सहारा बनेको छ भने उनको शरीरलाई सहारा लठ्ठीले दिन्छ। उनको दायाँ खुट्टा प्यारालाइसिस भएकाले हिँडडुल गर्न लठ्ठी चाहिन्छ नै। तर पनि उनि समजसेवामा अग्रसर रहदै आएको छ । यस अघि माघ १ गते राउतको जन्मदिनको अवसरमा सांसद महतोले अपाङ्ग मैत्री स्कूटर दिने प्रतिबद्धता गर्नुभएको थियो।
