केशव बेल्वासे । कपिलवस्तु कपिलवस्तुको शिवराज नगरपालिका वडा नं ९ बानियाभारमा रहेको सरस्वति माध्यमिक विद्यायलयमा सञ्चालित रुपान्तरण कार्यक्रमको आज संयुक्त अनुगमन गरीएको छ ।

सिदार्थ सामाजिक विकास केन्द्र र युनिसेफ नेपालको आर्थिक सहयोगमा सञ्चालित विद्यालयमा आधारीत रुपान्तरण कार्यक्रम शिवराज नगरपालिकाका ७ वटा सहित कपिलवस्तु जिल्लाभरबाट २१ वटा विद्यालयमा सञ्चालित छ । विद्यालयमा आधारीत रुपान्तरण कार्यक्रम अन्तरगत एउटा विद्यायलबाट ४ जनालाई अगुवाको रुपमा छनोट गरी तिनिहरुलाई तालिम दिएर तालिममा सिकेका कुरालाई विद्यालयमा १७ वटा शुक्रबार सम्म २५ जनाको समुहमा छलफल गराउदै आएको छ । जस अन्तरगत आज सरस्वति माध्यमिक विद्यायलयको अनुगमन गरीएको हो ।

अनुगमन गर्दै शिवराज नगरपालिका नगर प्रमुख नेत्रराज अधिकारीले परिर्वतन भनेको आफैबाट सुरु गर्नुपर्ने बताउँदै जिवनको लक्ष्य के हो र लक्ष्य प्राप्तिका लागी के गर्नु पर्छ भन्ने कुरामा ध्यान दिनुपर्ने बताउन भयो । उँहाले सिकेका कुरालाई दैनिक रुपमा प्रयोग गर्दै जानु पर्ने बताउनुभयो ।

यस्तै अनुगमनकै क्रममा सिदार्थ सामाजिक विकास केन्द्रका कार्यक्रम प्रबन्धक प्रकाश घिमिरेले किशोर किशोरीहरुको परिर्वतन उनिहरुबाटै अगाडि बढाउने कार्यक्रमको मुख्य उदेश्य रहेको बताउनुभयो । किशोर किशोरीहरुलाई जिवन उपयोगि सिपहरु सिकाउन सकियो भने उनिहरुको जिवन परीर्वतनमा सहज हुने भएकोले रुपान्तरण प्याकेज बनेको बताउनुभयो ।

यसको मुख्य उदेश्य भनेको बाल विवाहलाई न्युनिकरण गर्ने र किशोर किशोरीको जिवनमा आउने समस्यालाई समाधान गर्ने क्षमताको विकास गर्ने भएको घिमिरेले बताउनुभयो । यस्तै सरस्वति माध्यमिक विद्यायलयका शिक्षिका हरीकला के सिले यो कार्यक्रमले किशोर किशोरीहरुलाई कुलत र र्दुव्यसनिमा लाग्नबाट बचाएको र समय सान्दभिक भएको बताउनुभयो ।

अनुगमन कार्यक्रममा शिवराज नगरपालिका उप प्रमुख शिवकुमारी थारु, शिवराज नगरपालिका प्रमुख प्रसासकिय अधिकृत गणेश प्रसाद अर्याल, शिक्षा शाखा प्रमुख लोकराज पन्थि, शिक्षा अधिकृत पुर्ण बहादुर विश्वकर्मा, कार्यपालिका सदस्य सि वि गहतराज, सिदार्थ सामाजिक विकास केन्द्रका त्रिलोचन घिमिरे, युनिसेफ नेपालका माधव बराल, विद्यालय व्यवस्थापन समिति अध्यक्ष पनिराम बुढा मगर लगायत शिक्षक शिक्षिकाहरुको सहभागिता रहेको थियो