धानको समर्थन मूल्यमा व्यापारीले धान खरिद नगरेको भन्दै कपिलवस्तु किसान संघले ज्ञापन पत्र ईलाका प्रशासन कार्यालयमा बुझाए पछि र कृषकहरुको गुनासो बढदै गएकोले आज प्रशासन कार्यालय कपिलवस्तुले झडके अनुगमन गरेको छ ।
जिल्लाका विभिन्न गल्ला भण्डारहरुले तोकिएको मूल्य भन्दा कम मुल्यमा धान खरिद गरेको निवदेन परेपछि अनुगमन गरिएको सहायक प्रमुख जिल्ला अधिकारीले गणेश नेपालीले बताए ।प्रशासन कार्यालयले अनुगमन गरेको विषय स्वागत योग्य रहेको शिवराज नगरपालिका वडा न ७ का वडा अध्यक्ष तथा कपिलवस्तु किसान संघका अध्यक्ष अनुप कुमार चौधरीले बताए । चौधरीले यस क्षेत्रका व्यापारीहरुले धानको कम मुल्य दिनु र पल्लेदारी र विविध खर्च भनि जोडने गरेकोले किसानहरु मारमा परेको चौधरीले कपुरी अनलाइन संग गुनासो गरे ।
सरकारले धानको मूल्य तोक्दा कृषकमा देखिएको उत्साह भएको भएपनि धान बेच्नेबेला कृषकहरु मर्कामा परेको किसान संघ कपिलवस्तुका अध्यक्ष अनुप कुमार चौधरीले बताउनुभयो । सरकारले मोटाे धानको समर्थन मूल्य प्रतिक्विन्टल २ हजार ७ सय ३५ रुपैयाँ तोकेको र भने मसिनो धानको मूल्य २ हजार ८ सय ८५ तोकेको भए पनि व्यापारीहरुले प्रतिक्विन्टल १ हजार ९ सय देखि २ हजार सम्म दिने गरेको चौधरीले बताउनुभयो ।
सरकारले तोकेको उक्त मूल्यमा खरिद गर्ने केन्द्र पनि यस क्षेत्रमा नभएको र कृषि सहकारीको नाममा खुलेका सहकारीहरुले मल मात्र बेचने गरेको भए पनि धान खरिदका लागि चासो नदेखाए पछि किसान मर्कामा परेका छन्। कृषकबाट समर्थन मूल्यमा धान खरिद गर्ने सहकारीलाई प्रतिक्विन्टल १ सय १२ रुपैयाँ अनुदान दिने नीति भए पनि कपिलवस्तुका सहकारीले चासो नदेखाएको र मल मात्र विक्रि गर्ने गरेको गुनासो आएको सहायक प्रमुख जिल्ला अधिकारीले गणेश नेपालीले बताए ।
