चन्द्रौटा,कपिलवस्तु । सामुदायिक रेडियो भ्वाइस १०२ दशमल ४ मेगाहर्जको आठौं साधारण सभा तथा छैठौं अधिवेशन वाट कुशल नेतृत्व कर्ता शरद अधिकारी अध्यक्ष पदमा सर्व सहमत चयन भएका छन् । अधिवेशनले अधिकारीको अध्यक्षतामा ११ सदस्यीय नँया कार्य समिति समेत गठन गरेको छ ।
साधारण सभा कार्यक्रमका प्रमुख अतिथि लुम्बिनि प्रदेश प्रदेश सभाका सांसद अर्जुन कुमार के सी ले समाजको आमुल्य परिर्वतनमा सञ्चार गृहहरुको महत्वपुर्ण भुमिका रहेको बताए । समाजमा रहेको अन्धविश्वास कु रितिहरुलाई जनचेतनाको माध्यम वाट सहि सन्देश फैलाउने गरेको तर्क प्रस्तुत गरेका थिए ।
कार्यक्रममा सामुदायीक रेडियो भ्वाईसका उपाध्यक्ष कमलनाथ चौधरीले स्वागत मन्तव्य, रेडियो भ्वाईसका अध्यक्ष टुकप्रसाद अर्यालले अध्यक्षको प्रतिवेदन तथा रेडियो भ्वाईसका सचिब अग्नि प्रसाद सापकोटाले प्रगति प्रतिवेदन र सामुदायीक रेडियो भ्वाईसका कोषाध्यक्ष सुमित्रा अधिकारीले आर्थिक प्रतिवेदन प्रस्तुत गरेका थिए ।
अधिवेशन वाट सर्व सहमत चयन भएका नवनिर्वाचित अध्यक्ष अधिकारीले संस्थालाई सबैको नैतिक र भौतिक सहयोग आवश्यक रहेको बताए । निर्वाचन मन्डलका संयोजक सरोज पौडेलले जुन सोंचका साथ रेडियो स्थापना भएको हो त्यहि सोचका साथ अगाडि बढना समितिलाई शुभकामना दिएका थिए ।
