कपिलवस्तुको चन्द्रौटामा अबस्थित बैंक तथा वित्तीय संस्थाहरुका शाखा प्रमुखहरुको बैठक बसि “चन्द्रौटा बैंकर्स क्लब” गठन गरेको छ । बैठकले ग्लोबल आइएमइ बैंक लिमिटेडका शाखा प्रमुख बिष्णु कुवँरको अध्यक्षतामा “चन्द्रौटा बैंकर्स क्लब” गठन गरेको छ ।
क्लबको उपाध्यक्षमा नेपाल बैंक लिमिटेडका निरज न्यौपाने, सचिवमा गरिमा बिकास बैंक लिमिटेडका युवराज बेल्बासे, कोषाध्यक्षमा महालक्ष्मी बिकास बैंक लिमिटेडका भिम प्रसाद उपाध्याय, संरक्षक सदस्यमा नेपाल बङ्लादेश बैंक लिमिटेडका खेमराज भट्टराई चयन भएको युवराज बेल्बासेले कपुरी अनलाइनलाई बताए ।
क्लबको बैठक प्रत्येक महिनाको पहिलो बिहीबार बेलुका बस्ने सचिव बेल्बासेले जानकारी दिए । क्लबले स्थानीय सरकार संगको सहकार्यमा वृत्तिय साक्षरता कार्यक्रम आवश्यकता अनुसार संचालन गरिने क्लबका अध्यक्ष बिष्णु कुवँर बताए । चन्द्रौटा क्षेत्रमा २० भन्दा बढी बैंक तथा वित्तीय संस्थाहरु रहेको छ ।
