चन्द्रौटा शिवराज नगरपालिका अन्तर्गत रहका विभिन्न शाखाका प्रमुखहरुलाई सामाजिक सुरक्षा तथा व्यक्तिगत घटना दर्ता प्रणाली सम्बन्धि अभिमुखीकरण गरिएको छ । शिवराज नगरपालिका सेवा इकाईको आयोजनामा सामाजिक सुरक्षा तथा व्यक्तिगत घटना दर्ता प्रणाली सुदृढीकरण सम्वन्धी अभिमुखिकरण तथा दर्ता प्रणाली सम्बन्धि एक दिने अभिमुखिकरण सम्पन्न भएको छ ।
शिवराज नगरपालिकाका उप प्रमुखशिवकुमारी थारुको अध्यक्षता तथा निमित प्रमुख प्रशासकीय अधिकृत लोकराज पन्थीको आतिथ्यतामा शिवराज नगरपालिका अन्तर्गतसम्पुर्ण शाखा प्रमुखलाई सामाजिक सुरक्षा तथा व्यक्तिगत घटना दर्ता प्रणाली सुदृढीकरण आयोजना सम्वन्धी एक दिने अभिमुखिकरण गरिएको सेवा इकाईका एम आई एस अप्रेटर भावना पौडेलले बताइन् ।
कार्यक्रममा सामाजिक सुरक्षा पन्जीकरण शाखाका प्रमुख बोधराज भुसाल , सूचना प्रविधि अधिकृत दिपक पौडेल, कम्पुटर अप्रेटर प्रकाश वि.क , एम.आई.एस अप्रेटर दिपक खड्का र भावना पौडेलले सहजिकरण गरेका थिए । अभिमुखीकरणमा व्यक्तिगत घटना दर्ता कसरी गर्ने, आइपर्ने व्यवहारिक तथा सैद्धान्तिक समस्याहरु र ती समस्याहरुको निराकरण बारे सहजीकरण गरिएको थियो ।
त्यस्तै सामाजिक सुरक्षा सम्बन्धी सामाजिक सुरक्षा भत्ता प्राप्त गर्ने लाभग्राहीहरुको पहिचान, तिनीहरुको दर्ता, बैङ्किक प्रणाली मार्फत सामाजिक सुरक्षा भत्ता वितरण, प्रतिवेदन, डिजिटाइजेशन, दर्ता शिविर संचालन बारे छलफल गरिएको थियो । अभिमुखिकरण कार्यक्रमको समापन्न सत्रमा बोल्दै शिवराज नगरपालिका उप मेयर शिवकुमारी थारुले सामाजिक सुरक्षा भत्ता प्राप्त गर्ने सेवाग्राहीको सहि पहिचान र सरल र सुलभ तरिका वाट वितरण गर्न सबैको महत्वपुर्ण भुमिका हुनु पर्ने बताइन् ।
