कपिलवस्तुमा प्रहरी माथी हातपात गर्नेको पहिचान खोजि कार्य जारी

कपिलवस्तु १ भाद्र
कपिलवस्तुको शुद्धोदन गाउपालिकाको लवनी चौराहामा मास्क नलगाएर हिडने युवाहरुलाई मास्क लगाउन अनुरोध गर्दा ६ जना प्रहरी कुटिएका छन । प्रहरी चौकी लवनीमा प्रहरी नायव निरीक्षक बिनोद कुमार बरुन सहित ६ जना माथी कुटपिट भएको हो । कुटपिटमा ३ जना गम्भिर घाइते भएका छन भने ३ जना समान्य घाइते भएका छन । गम्भिर घाइते प्रहरीलाई उपचारको लागी क्रिमसन अस्पताल लगिएको प्रहरी नायव उपरीक्षक सुनिल मल्लले बताएका छन । घटनाको विवरण बुझ्दा मास्क नलगाइ साइकलमा आएका २ जनालाई मास्क लगाएर चलाउन अनुरोध गरेका थिए । प्रहरीले सम्झाई बुझाई घर पठाए पनि गाउँ बाट ७ ,८ जना लाई बोलाई एक्कासी आक्रमण गरिएको मल्लले जानकारी दिएका छन । घाइतेमा प्रहरी हवल्दार बिनोद कुमार बरुन, प्रहरी जवानहरु जियावन कोहार र महेन्द्र यादव रहेका छन । घटना पछि लवनीमा ठुलो संख्यामा प्रहरी परिचालन गरिएको छ । ओरापीको पहिचान भइसकेको र उनीहरुको खोजी कार्य भइरहेको मल्लले बताएका छन ।