चन्द्रौटा
क्वारेनटाइनमा मदिरा सेवन निषेध भएको जानकारी क्वारेन्टाइन व्यवस्थापक प्रमोद ज्ञवालीले जानकारी गराए पनि मदिरा सेवन गरेको फोटो आफैले सामाजिक संजालमा पोष्ट गरेको तथ्य बाहिर आएको छ ।
उनीहरुको पि.सी.आर. रिपोर्ट नेगेटिब आए पश्चात क्वारेन्टाइनको बसाई पुरा गरि घर गएको र फेशबुक मार्फत नियम विपरित मदिरा सेवन गरेको फोटो राखि अहिले भाईरल गराएका छन् । शिवराज नगरपालिकाले संचालन गरेको क्वारेन्टाइनमा ४ जना युवाहरुको घरका आफन्तले पानीको काटुनमा मदिरा ल्याई खाएको युवाहरुले स्विकार गरेका छन् ।
कपुरी अनलाईनसंग कुरा गर्दा क्वारेनटाइनमा मदिरा सेवन गरेको एक जना युवा विकाश बहादुर पुन मगरले बताए । उनले घरवाट मदिरा मगाइ खाएको र आफुहरु बाट ठुलो गल्ती भएको स्विकार गरेका छन् । अनलाईन संग कुरा गर्दे सार्वजनिक ठाँउमा मदिरा सेवन गर्न नहुने कुरा थाँह भएको तर रमाईलोका लागि सेवन गरेको पुन मगरले बताए ।
कपिलवस्तुको १० स्थानिय तह मध्ये कोभिड¬ १९ को रोकथाम तथा व्यवस्थापन कार्यमा शिवराज नगरपालिका अग्रस्थानमा रहेको छ । पालिका भित्र कोभिड १९ को संक्रमण पहिचानका लागि पि.सि.आर चेक जाँचको दायरा अन्य पालिकामा भन्दा दोब्बर रहेको हालै मात्र भएको नमुना संकलन पश्चातको तथ्याङ्कले देखाएको छ । साथै स्थानिय स्तरमा जनचेतना मुलक कार्यक्रम व्यापक रुपमा संचालन भएको छ ।
शिवराज नगरपालिकाबाट संचालनमा आएको क्वारेनटाइन व्यवस्थापनको स्थानियहरुले प्रशंसा गरे तापनि केहि युवाहरुले गलत मनसाय बनाइ केही भ्रम फैलाउने तवरबाट फेशबुकमा फोटो पोष्ट गरेका हुन ।
नेपाल सरकारले क्वारेनटाइन तथा आइशोलेशनमा मदिरा जन्य पदार्थ सेवन निषेध गरेको विषय आफुहरुलाई थाह भएको भए पनि मदिरा सेवन गरेको फोटो आफुहरुले फेशबुक र मेसेन्जर मार्फत अरुलाई पठाएको बताए ।सुरक्षामा रहेका प्रहरी र क्वारेनटाइनको जिम्मा पाएका कर्मचारीलाई छलि पानीको काट्टुन भित्र मदिरा लुकाई क्वारेनटाइनमा भित्र मदिरा सेवन गरेको खुलेको कुरा अहिले चर्चाको विषय बनेको छ ।
मदिरा सेवन गरि सामाजिक संजालमा पोष्ट गर्ने ४ जना युवाहरु शिवराज नगरपालिकाका वडा न. १ का सुदिप थापा, वडा न. ३ मदवाका विकाश पुन मगर, वडा न. ५ रहट्कोलका किसन बहादुर पुन र वडा न.३ भितरियाका सुरज रोका रहेको क्वारेनटाइनमा खटिएका स्वास्थ्य कर्मीले जनाएका छन् ।
कोठा न. २२ मा बसेका ४ जना युवाहरुले घरबाट मदिरा मगाई सेवन गरेको स्विकार गरेका युवाहरु मध्ये १ जना दुबई र ३ जना कुवेतवाट आएको र अहिले उनीहरु १४ दिनको क्वारेन्टाइन बसाइ पछि घर फर्किएको क्वारेनटाइन व्यवस्थापनको जिम्मा पाएका स्वास्थ्यकर्मी प्रमोद ज्ञवालीले कपुरी अनलाईलाई बताए ।
कपिलवस्तुको शिवराज नगरपालिकाले विश्वव्यापि रुपमा फैलिएको कोभिड १९ कोरोना नियन्त्रण र रोकथामका लागी ४ महिना देखि चन्द्रौटामा रहेको राष्ट्रिय मा.वि.मा क्वारेन्टाइन संचालन गर्दे आएको छ ।
