चन्द्रौटा
कपिलवस्तुको शिवराज नगरपालिका चन्द्रौटामा सरुवा रोग नियन्त्रण अस्पताल बनाउन १ करोड रुपैयाँ वजेट छुट्टाइएको प्रदेश सासद अजुर्न कुमार के सी ले बताए । चुनाबकाे समय गरेकाे बाचा अनुसार यस क्षेत्रमा सरुवा राेग अस्पतााल निर्माणका लागि पहल गरेकाेमा स्थानिय शिवपुर निवासी माधव पाण्डेले खुसी व्यक्त गरे । कपिलवस्तुकाे पश्चिम क्षेत्र न ३ अत्यन्त पिछडिएकाे क्षेत्र भएकाेले यस ठाँउमा अस्पताल निर्माणले खुसीयाली छाएकाे नेकपा शिवराज नगर कमिटी सचिव जगत पाैडेलले बताए ।
अस्पताल सचालनले यस क्षेत्रका जनताहरु लाई उपचारका लागि बाहिर जाने समस्या समाधान हुने व्यपार सघका अध्यक्ष र काराेना अस्पताल निर्माण समितिका अध्यक्ष महादेव पाेखरेल बताए । यस क्षेत्रका वासिन्दा उपचारका लागी नेपालकाे बुढवल,भैरहवा र काठमाडाैका विभिन्न अस्पतालमा जाने र भारतकाे विभिन्न शहरमा उपचार गर्ना जाने बाध्यता हटेकाे पाेखरेलले बताए । अस्पताल बन्ने विषय शिवराजका लागि खुसीकाे कुरा भएकाे बताए ।
प्रदेशका १२ वटा जिल्ला अस्पतालहरुलाई ५० शय्याको अस्पतालका रुपमा स्तरोन्नति गर्न १५ करोड रुपैयाँ विनियोजन भएको छ । सडक दुर्घटनामा परेका व्यक्तिको तत्काल उपचार र जीवन रक्षाका लागि दाङको लमहीमा आधुनिक र सुविधा सम्पन्न ट्रमा सेन्टर निर्माणको थालनी गर्न ५ करोड विनियोजन भएको छ ।
स्थानीय तहसँगको लागत सहभागितामा स्वास्थ्य चौकी तथा प्राथमिक स्वास्थ्य केन्द्रहरूको स्तरोन्नति गर्न ५ करोड रुपैयाँ विनियोजन भएको छ । प्रदेश जनस्वास्थ्य प्रयोगशालालाई जैविक सुरक्षा तह २ मा स्तरोन्नतिका लागि भौतिक संरचना निर्माण गरिने र विभिन्न अस्पतालहरूमा सञ्चालनमा रहेका प्रयोगशालाहरूको क्षमता विकास गरी थाइराइड, लिपिड प्रोफाइल लगायत वायोकेमेष्ट्री परीक्षण सेवा प्रदान गर्नका लागि १ करोड ७५ लाख बजेट विनियोजन भएको छ ।
क्यान्सर रोगको निदान, नियन्त्रण तथा रोकथामका कार्यक्रम कार्यान्वयन गर्न ५० लाख बजेट विनियोजन भएको छ । प्रसुती सेवा विस्तारका अतिरिक्त नवजात शिशुहरूको स्वास्थ्य परीक्षण गरी जन्मजात रोगहरूको पहिचान गर्नुका साथै मातृ तथा शिशु रुग्णता र मृत्युदरमा कमी ल्याउने कार्यक्रमका लागि ६ करोड २७ लाख विनियोजन भएको छ । ८४ वर्ष उमेर पुगेका ज्येष्ठ नागरिकको घरघरमा उपलब्ध गराइँदै आएको स्वास्थ्य सेवालाई निरन्तरता दिन १ करोड ९८ लाख विनियोजन भएको छ ।
विपन्न समुदायका नागरिकलाई सरकारी र सामुदायिक अस्पतालमा मृगौला डाइलाइसिस गर्दा आवश्यक पर्ने इरेथ्रोपोएटिन इन्जेक्सन खरिदमा ५० प्रतिशत छुट दिन १ करोड बजेट विनियोजन भएको छ । कोभिड १९ ले सिर्जित परिस्थितिबाट पाठ सिक्दै स्वास्थ्य क्षेत्रका जनशक्तिको क्षमता विकास कार्यक्रमका लागि २ करोड ३७ लाख विनियोजन भएको छ ।
प्रदेशमा स्वास्थ्यसम्बन्धी आवासीय तालिम उपलब्ध गराउन रूपन्देहीको देवदहमा स्वास्थ्य तालिम केन्द्रको पूर्वाधार विकासको लागि विस्तृत परियोजना प्रतिवेदन तर्जुमा गर्न बजेट व्यवस्था गरिएको छ । बाँके र कपिलवस्तुका आयुर्वेद स्वास्थ्य केन्द्रको भवन निर्माणका लागि १ करोड ५० लाख विनियोजन भएको छ । स्वास्थ्य महामारीलाई सामना गर्नसक्ने जनशक्तिको दिगो आपूर्तिका लागि बर्दिया अस्पताललाई स्टाफ नर्स, मिडवाइफजस्ता मेडिकल प्राविधिक उत्पादन गर्ने संस्थाको रुपमा विकास गर्न १ करोड विनियोजन भएको छ । स्वास्थ्य उपकरणहरूको मर्मत सम्भार गर्ने जनशक्तिको उत्पादन गर्नका लागि रुपन्देहीको शिक्षा तालिम केन्द्रको परिसरमा बायोमेडिकल उपकरण प्राविधिक विद्यालय स्थापना गरी बायोमेडिकल इन्जिनियरिङमा डिप्लोमा कोर्स सञ्चालनका लागि १ करोड ५० लाख रुपैयाँ विनियोजन भएको छ ।स्थानीय स्तरमै आधारभूत स्वास्थ्य सेवाहरूको पहुँच वृद्धिका लागि जिल्लास्थित अस्पतालहरूमा दन्त सेवा, आँखा उपचार सेवा र फिजियोथेरापी लगायतका सेवा विस्तार गर्न ८ करोड ३० लाख विनियोजन भएको छ ।प्रदेश र स्थानीय तहको लागत साझेदारी हुने गरी बाँकेको नरैनापुर र दाङको हापुरेमा रहेका स्थानीय तहमा स्वास्थ्य संस्थाको संरचना निर्माण र सेवा विस्तारको लागि ३ करोड वजेट विनियोजन भएको छ ।
