कपिलवस्तु
(नेकपा) कपिलवस्तुले एक प्रेस विज्ञप्ती जारी गर्दै केही समय यता सामाजिक संजालका माध्यमबाट देखा परेका आरोप प्रत्यारोप प्रति पार्टीको ध्यानाकृष्ट भएको जनाएको छ ।
(नेकपा) जिल्ला अध्यक्ष झविलाल पोख्रेल र जिल्ला सचिव रामचन्द्र शाह ‘विष्णु’ द्धारा जारी संयुक्त प्रेस विज्ञप्ती मार्फत नेपाल सरकार र विभिन्न संघ संस्थाका माध्यमबाट गरिएका संस्थागत कार्यलाई समेत ब्यक्तिगत प्रचार बाजी गर्ने परिपाटीको विकास भएको ठहर गर्दै त्यस्ता गलत प्रवृद्धिले एक अर्काबीच आरोप प्रत्यारोप श्रृजना गरेको र जनविश्वाससमेत गुम्ने हुँदा त्यस तर्फ पार्टीको ध्यान पुगेको स्पष्ट पार्दर्छौ भनिएको छ ।
विज्ञप्तिमा विशेष गरी पार्टी नेता, सांसद र कार्यकर्ता बीच आरोप प्रत्यारोप चलेको पार्टीको ठहर छ ।
विज्ञप्ती मार्फत सामाजिक संजालका माध्यमबाट आरोप, प्रत्यारोपमा संलग्न नहुन नेता, सांसद, कार्यकतालाई यसै विज्ञप्ती मार्फत आग्रह गर्दछौं भनिएको छ ।
त्यस्तो गरिएको पाईएमा पार्टीले त्यसलाई संस्थागत ढंगले कारबाहीको विषय बन्ने (नेकपा) कपिलवस्तुको चेतावनी छ ।
