कपिलबस्तु
तराई मधेश समृद्धि कार्यक्रम आर्थिक बर्ष २०७७/०७८ को योजनामा कपिलबस्तुका दश स्थानीय तहलाई कुल १२ करोड ४९ लाख रुपैया बराबरको योजना समावेश गरिएको छ । कपिलबस्तुको संसदीय क्षेत्र नम्बर ३ को कुल ६ करोड १६ लाख रुपैया बराबरको योजना समावेश भएको छ । तराई मधेश समृद्धि कार्यक्रमले कृषि, पेशागत तालिम, बिद्यालय भवन, मदरसा भवन, धर्मशाला, सामुदायिक भवन निर्माण र सडक स्तरोन्नतिको योजनालाई समावेश गरिएको ज पूर्वमन्त्री ईश्वर दयाल मिश्रले जानकारी दिए ।
साथै बिश्वभरी फैलिएको कोरोना भाईरस (कोभिड-१९) रुपी महामारीको रोकथाममा सरकार लागिपरेकोले धेरैजसो योजनाहरु समावेश न भएको प्रति संघिय मामिला तथा सामान्य प्रशासन मन्त्री मा.हृदेश त्रिपाठीले दुख ब्यक्त गरे आगामी आर्थिक बर्षमा सो योजनाहरुलाई प्राथमिकता दिइने आश्वासन समेत दिएको पूर्व मन्त्री मिश्रले बताए ।
स्थानीय जनप्रतिनिधिहरुले स्थानीय जनताको आवश्यकतालाई हेर्दै स्थानीय तहको सिफारिस तथा पूर्वमन्त्री मिश्रको अथक प्रयास र संघीय मामिला तथा सामान्य प्रशासन मन्त्री मा.हृदेश त्रिपाठीको पहलमा कुल ६ करोड १६ लाख रुपैया बराबरको योजनाहरु समावेश गरिएको बताए ।
आवश्यक योजनाहरु समावेश गरेको र बाकी योजना समावेश गर्ने आश्वाशन दिएकोमा संघीय मामिला तथा सामान्य प्रशासन मन्त्री त्रिपाठीलाई कृष्णनगर नगरपालिकाको उपमेयर शबनम खातुन, नेकपा नगरअध्यक्ष जाबेद आलम खा, कृष्णनगर वडा नम्बर ३ का वडाध्यक्ष सगीर अहमद खान, कृष्णनगर वडा नम्बर ५ का वडाध्यक्ष जमिल खा, कृष्णनगर वडा नम्बर १० का वडाध्यक्ष अब्दुल मोबीन खान, कृष्णनगर वडा नम्बर ११ का वडाध्यक्ष फागु मुराऊ लगायत स्थानीय समाजसेवी, बुद्धजीवी युवा बर्ग, बिकासप्रेमी र कृषक अगुवाहरूले धन्यबाद दिएका दिए।
तराई मधेश समृद्धि योजना अन्तर्गत बिजयनगर गाउँपालिकाको स्वीकृत भएका योजनाहरुको बारेमा कुरा गर्दा बिजयनगर गाउँपालिका अध्यक्ष गोपाल थापाले, २ करोड २२ लाख बराबरको १० वटा योजनाहरु आफ्नो गाउँपालिकामा आएको बताए ।
गाउँपालिका अध्यक्ष थापाले योजनाहरुलाई प्राथमिकता दिई समावेश गर्ने पहल गरेकोमा
सं.मा.तथा सा.प्र.मन्त्री मा. त्रिपाठी प्रति हार्दिक आभार ब्यक्त गरेको कपुरी अनलाइनलाई बताए ।
त्यसैगरी कपिलबस्तु निर्वाचन क्षेत्र ३(क) का प्रदेश सभा सांसद अर्जुन कुमार केसीले आफ्नो निर्वाचन क्षेत्र अन्तर्गत रहेको शिवराज नगरपालिकाको १ करोड ३७ लाख रुपैया बराबरको ५ योजना र महाराजगंज नगरपालिका ७ को १ करोड रुपैया बराबरको २ योजनाकोलागि सामान्य प्रशासन मन्त्री मा. त्रिपाठी र निरन्तर प्रयासरत पूर्वमन्त्री मिश्र दुबै जनाप्रति हार्दिक आभार ब्यक्त गरेका थिए।
ब्यापार संघ कपिलबस्तुका जिल्ला अध्यक्ष माधव पोख्रेलले देशमा कोरोना महामारीले आर्थिक संकट उत्पन्न गरेको बेला कपिलबस्तु संसदीय क्षेत्र नम्बर ३ मा ६ करोडको योजना आउनु धैरे राम्रो विषय भएको बताए । कपिलबस्तु क्षेत्र नम्बर ३ को योजनाहरुलाई प्राथमिकताका साथ समावेश गर्न पहल गरेकोमा त्रिपाठीलाई हृदयतल देखि धन्यवाद दिदै पूर्वमन्त्री मिश्रले यस क्षेत्र बिकास प्रति गर्दै आएको अथक प्रयास प्रसंशनीय भएको बताए ।
कपिलबस्तुका दश स्थानीय तहहरुमध्ये कृष्णनगर नगरपालिका, बिजयनगर गाउँपालिका, शिवराज नगरपालिका र महाराजगंज नगरपालिका ७ को स्थानीय आवश्यकतालाई हेर्दै स्थानिय तहको सिफारिस तथा बिकास प्रेमी पूर्वमन्त्री मिश्रको अथक प्रयास र सामान्य प्रशासन मन्त्री मा.त्रिपाठीको निर्देशनमा समावेश गरिएका योजनाहरु निम्नवत छन् ।
