कपिलवस्तु जितपुर
कपिलवस्तु संचार सहकारी संस्थाद्धारा संचालीत वुद्धआवाज संचारगृहमा कार्यरत संचारकर्मिहरुलाई सहयोग उपलव्ध गराउने क्रम वढ्दै गएको छ ।
विगत ८ दिन देखि गृहमै क्वारेन्टाईन वनाई नागरिकलाई सूचना प्रवाह गरिरहेका संचारकर्मिलाई शनिवार पनि खाद्यान्न समाग्री सहयोग उपलव्ध भएको छ । वाणगंगा नगरपालीका वडा नं ४ गजेहडामा रहेको संचारगृहमा ८ जना संचारकर्मिका लागि प्रेस संगठन कपिलवस्तुले दैनिक आवश्यक पर्ने खाद्यान्न, लगाएतका स्वस्थ्य प्रवधर्क सामाग्री उपलव्ध गराएको हो ।
संगठनका जिल्ला संयोजक एवं पत्रकार महासंघका अध्यक्ष डिलाराम भुसाल, सह संयोजक एवं पत्रकार महासंघका जिल्ला सचिव हरि अधिकारी, नेकपा कपिलवस्तुका प्रचार तथा प्रकाशन विभाग प्रमुख एवं संगठनका सदस्य लक्ष्मण वेल्वासे र कपिलवस्तु उद्योग वाणिज्य संघका अध्यक्ष उमानाथ पौडेलले सामाग्री हस्तान्तण गर्नु भएको थियाे।
क्वारेन्टाईनमा वसेका संचारकर्मिलाई खाद्यान्नमा समस्या नहोस भनेर संगठनको तर्फवाट सहयोग उपलव्ध गराईएको संयोजक भुसालले वताउनु भयो । सो अवसरमा संचारकर्मिहरुको स्वास्थ्य अवस्था तथा वसाई व्यवस्थापनको विषयमा जानकारी आदान प्रदान गरिएको थियो ।
संचारकर्मिहरुको साथ सहयोग तथा सहकार्यका लागि संगठनले नियमति रुपममा काम गर्दै आएको सो अवसरमा संयोजक भुसालले वताउनु भयाे । संचारकर्मिमा समेत संक्रमण देखिएको चिन्ता व्यक्त गर्दै कपिलवस्तु उद्योग वाणिज्य संघका अध्यक्ष उमानाथ पौडेलले सवैको सहयोगका लागि संघ नियमिति रुपमा कार्य गरिरहेको वताउदै संक्रमीत संचारकर्मिको सिघ्र स्वास्थ्य लाभाकको कामना समेत गर्नु भएको छ । उहाँले संचारक्षेत्रवाट कोरोना रोकथाम तथा नियन्त्रणका लागि गरिएका कामरु प्रभावकारी भएको जनाउदै वुद्धआवाज संचारगृहले खेलेको भुमिका प्रति प्रशसा समेत व्यक्त गर्नु भयो ।
संचारगृहद्धारा संचालीत सामुदायिक रेडियो वुद्धआवाज र टेलीभिजनमा कार्यरत दुई संचारकर्मिमा कोरोना पोजेटिभ देखिएपछि उहाँ संगको नजिकका सम्पर्कमा आउनु भएका संचारकर्मिहरु अहिले विगत एक हप्ता देखि क्वारेन्टाईनमा वस्दै आएका छन । क्वारेन्टाईनवाट संचारकर्मिले दैनिक समाचारमुकल संगै जानकारी मुलक कार्यक्रम उत्पादन तथा प्रशारण गर्दै आएका छ । वुद्धआवाजमा रहेका संचारकर्मिको गएको जेठ १४ गते स्वाव संकलन गरि परिक्षणका लागि काठमाण्डौ पठाईएको छ । नजिता अहिले सम्म नआएको र एक दुई भित्रमा आउने संचारगृहले जनाएको छ ।
