शितगंगा
शितगंगा नगरपालिकाका उपमेयर टिका रेस्मीले आफ्नो आज पर्न गएको जन्मदिनको अबसरमा क्वारेण्टिनमा रहेकाहरु लाई झुल बितरण गर्नु भएको छ ।
शितगंगा नगरपालिकाको ज्योती माबिमा रहेको क्वारेण्टिनमा रहेकाहरुमा मच्छेडले गर्दा रातमा सुत्न समेत समस्या भएको जानकारी पाए पछि उपमेयर रेस्मीे १४ जनालाई झुलको ब्यवस्था गर्नु भएको हो ।
क्वारेण्टिनमा रहेकोले रातमा सुत्नै समस्या भएको गुनासो गरे पछि अप्ठेरो अवस्थामा परेकाहरुलाई सहयोग गर्ने प्रतिवद्धता गरे पछि आज सञ्चारकर्मीहरुको तथा जनप्रतिनिधीको नेत्तृत्वमा उनिहरुलाई झुल बितरण गरिएको हो ।
लामखुट्टेले गर्दा डेंगु फैलिन सक्ने डर भएकोले पनि झुल बितरण गरेको रेस्मीले बताउनु भयो । यस्तै त्यहा सुरक्षा गर्ने सुरक्षकर्मीहरुमा समेत उहाँले झुल बितरण गर्नु भयो । झुल पाए पछि क्वारेण्टिनमा रहेका मालारानी गाउपालिका ३ का शिब प्रसाद खनालले खुशी ब्यक्त गर्दै उपमेयरलाई सबैले जन्मदिनको शुभकामना व्यक्त समेत गरेका थिए ।
