कालिकाद्धारा स्वास्थ्य सामाग्री हस्तान्तरण

ताैलिहवा
बिश्वमा कोरोना भाइरस कोभिड १९ को संक्रमण बढ्ने क्रम सँगै जोखिम पनि बढ्दै गएको छ । चैत्र महिना देखि लकडाउन शुरु भए सँगै मानिसहरुका दैनिकी पनि फेरिएको र होम क्वारेन्टाइनमा बस्दै आएका छन । कपिलवस्तुमा सक्रमितको संख्या बढदै गएपछि जिल्ला प्रशासन कार्यालय कपिलवस्तुले जिल्ला शिल गरेको छ ।
जिल्ला शिल भएसँगै मानिसहरुको आवत जावतमा कडाई भएकोले सबै क्षेत्र प्रभावित भएको हो । यसै बिच कालिका स्वावलम्बन सामाजिक केन्द्रले एम्पलीफाइ चन्ज सँगको ग्रान्ट परियोजना अन्तर्गत शुद्धोधन गाँउपलिकामा स्वास्थ्य सामाग्री हस्तान्तरण गरेको हो । ५ थान पिपिई सेट¸८० थान के एन ९५ मास्क¸३६ लिटर ह्याण्ड स्यानिटाइजर¸ सर्जिकल मास्क ५०० पिस¸ डिस्पोजेबल गल्बस १५०० जोडी¸स्ट्राइल गल्बस १०० प्याकेट साथै ७४ प्याकेट महिनावारी प्याड गरी १ लाख १३ हजार ८ सय ३९ रुपैया बराबरको सामाग्री गाँउपालिकाका अध्यक्ष निशार अहमदलाइ संस्थाका पुर्व अध्यक्ष अरुण खड्काले हस्तान्तरण गरेका थिए । कपिलबस्तु जिल्लाको सिमाना भारतसँग जोडिएको र खुला सिमाना भएको कारण क्वारेन्टाइनमा आउने संख्या बढ्दै गैरहेको र उच्च सतर्कता पुर्व तयारी र सावधानी अपनाउनु पर्ने कार्यमा टेवा पुर्याउने सहयोग गरिएको खड्काले बताए । सामाग्री बुझदै गाँउपालिका अध्यक्ष निसार अहमदले संस्थालाई धन्यावाद दिएका थिए । त्यसै गरी सोहि परियोजना अन्तर्गत किशोरीहरुको महिनावारी सरसफाइ र सुरक्षा संवेदशिलतालाई ध्यानमा राख्दै संस्थाले शुद्धोधन गाँउपालिकासँगको समन्वयमा ६ वटै वडामा रहेका किशोरी संजालका १८१ जना किशोरीहरुलाई २ प्याकेट महिनावारी प्याड, १ वटा स्यानिटाइजर, तथा ३ वटा सर्जिकल मास्क वितरण गरिएको कालिका स्वालम्वन सामाजिक केन्द्रका कार्यकारी निर्देशक अर्जुन थापाले बताए । कोभिड १९ को रोकथाम तथा सावधानी जस्ता स्वास्थ्य सेवा प्रवाहमा सहयोग पुग्ने उदेश्यले शुद्धोधन गाँउपालिका लाई स्वास्थ्य सामाग्री प्रदान गरिएको र महिलाहरुलाई सेनेटरी प्याड समेत प्रदान गरिएको थापाले बताए । किशोरीहरुलाई हस्तान्तरण गरिएको सामाग्री ४८ हजार ६ सय ५३ रुपैया सहित गरी १ लाख ६२ हजार ४ सय बयानब्बे बराबर मुल्यको सामाग्री हस्तान्तरण गरिएको संस्थाका कोषाध्यक्ष मन्दिप सिहले बताए ।