२५ बैशाख ,विराटनगर : आँपको रुखबाट लडेर विराटनगर महानगरपालिका-१७ मटेरुवा डंग्राहा टोलका एक बालकको बुधबार राती मृत्यु भएको छ । आँप टिप्न भनेर गएका मन्सुर मियाँका १३ वर्षीय छोरा मोहम्मद इरफानको लडेर मृत्यु भएको इलाका प्रहरी कार्यालय रानीका प्रहरी निरीक्षक दीपक थापाले बताए ।
उनकाअनुसार साँझ आँप टिप्न भनेर रुखमा चढेका इरफान लडेर बेहोस भएको अवस्थामा स्थानीय बासिन्दाले आँपको फेदमा भेटाएका थिए ।
उपचारका लागि कोसी अस्पताल ल्याउने क्रममा बालकको बाटोमै मृत्यु भएको प्रहरीले जनाएको छ । प्रहरीले घटनाका बारेमा अनुसन्धान सुरु गरिएको जनाएको छ ।
