कपुरी,डेक्स ।
कपिलवस्तु। सिद्धार्थ सामाजिक विकास केन्द्र अउर एक्सन एड नेपाल क साझेदारी म चलत स्थानीय अधिकार कार्यक्रम क तहत शिवराज नगरपालिका क १६ ठो विद्यालय म पढ़त १५३ ठो लइकन क स्कुली सामान बाँटल गवा।

कार्यक्रम म वडा नं. ४, १० अउर ११ क १५ ठो विद्यालय अउर वडा नं. ३ क १ ठो विद्यालय क लइकन क झोला, स्कुल ड्रेस अउर जुत्ता देहल गवा।

सामान वितरण कार्यक्रम म वडा नं. १० क वडाध्यक्ष मञ्जु मिश्रा, वडा नं. ११ क वडा सदस्य कन्थमराम यादव अउर शिवराज नगरपालिका क प्रमुख शिक्षा अधिकृत क उपस्थिती रहल।

आयोजक संस्था क कहनाम बा कि आर्थिक अउर सामाजिक रूप से कमजोर, विपन्न अउर जोखिम म रहत लइकन क पढ़ाई म सहयोग करे, स्कुल जाए क निरन्तरता बनाय रखे अउर शिक्षा म पहुँच बढ़ावे क उद्देश्य से ई कार्यक्रम चलावल गवा।

कार्यक्रम म बोलत सहभागी मन कहिन कि एह किसिम क सहयोग से गरीब परिवार क लइकन क पढ़ाई म राहत मिली अउर उ मन क भविष्य बनावे म मदद पहुँची।