कपिलवस्तु -शिवराज नगरपालिकाको आयोजना तथा छन्द (कालेबाबु) नारायणी आँखा अस्पताल बहादुरगञ्ज कपिलवस्तुको प्राविधिक व्यवस्थापनमा शिवराज नगरपालिकाका वडा न ५ मा  निःशुल्क आँखा जाँच शिविर सञ्चालन गरिएको छ।

तोकिएको मिति, समय र स्थानमा सञ्चालन गरिएको उक्त शिविरबाट स्थानीय सर्वसाधारणले उल्लेखनीय लाभ लिएका छन्। शिविरमा आँखा सम्बन्धी समस्या भएका बिरामीहरूको परीक्षण गरिनुका साथै आवश्यक परेका सेवाहरू निःशुल्क प्रदान गरिएको थियो।

आँखा जाँचका क्रममा शल्यक्रिया आवश्यक ठहरिएका मोतिबिन्दुका बिरामीहरूलाई छन्द (कालेबाबु) नारायणी आँखा अस्पताल बहादुरगञ्जमा लगेर पूर्ण रूपमा निःशुल्क शल्यक्रिया गरिने व्यवस्था मिलाइएको आयोजकले जनाएको छ।

शिविरबाट जम्मा ३३५ जनाले आँखा जाँच सेवा लिएका छन्। जसमध्ये २२० जनालाई निःशुल्क चस्मा वितरण गरिएको छ भने ४५ जना मोतिबिन्दुका बिरामीहरू शल्यक्रियाका लागि छनोट भएका छन्। बाँकी बिरामीहरूलाई आवश्यक परामर्श र औषधि प्रदान गरिएको थियो।

वडा नम्बर ५ का अध्यक्ष नेत्र प्रसाद बेलबासेले शिविरले आर्थिक रूपमा कमजोर तथा ग्रामीण क्षेत्रका नागरिकहरूलाई प्रत्यक्ष लाभ पुगेको बताउँदै यस्ता स्वास्थ्य कार्यक्रमलाई निरन्तरता दिनुपर्ने आवश्यकता औंल्याउनुभयो। उहाँले नगरपालिकाको सहकार्य र अस्पतालको प्राविधिक सहयोगले कार्यक्रम सफल भएकोमा धन्यवाद व्यक्त गर्नुभयो।

शिविरमा हरि भण्डारी अस्पतालका प्राविधिकसहित अनुभवी स्वास्थ्यकर्मीहरूको सक्रिय सहभागिता रहेको थियो। स्थानीयवासीहरूले निःशुल्क र गुणस्तरीय सेवा उपलब्ध गराएकोमा आयोजक संस्थाप्रति आभार व्यक्त गरेका