विजयनगर । अर्रा आधारभूत विद्यालय विरनगरका प्रधानाध्यापकलाई आर्थिक चलखेल गरेको भन्दै बर्खास्त गरिएको छ । प्रधानाध्यापक सुदीप सारुले विद्यालयको रकम हिनामिना गरेको आरोपमा बर्खास्त गरिएको हो । जिल्लाको विजयनगर गाउँपालिकाको वडा नम्बर १ विरनगरमा रहेको अर्रा आधारभूत विद्यालयका प्रधानाध्यापक सारुलाई पदबाट बर्खास्त गरिएको शिक्षा शाखामा कार्यरत अनुगमन संयोजक सुरेन्द्रराज मिश्रले जानकारी दिए ।
विद्यालयको नियमित अनुगमन गर्दा उनले ६ महिनाको अवधीमा २ मात्र उपस्थिति देखिएको पाइपछि उनलाई हटाइएको बताए । शिक्षा शाखाले नियमित अनुगमन गर्दा प्रधानाध्यापकको उपस्थिति नदेखिने र आर्थिक चलखेल देखिएकोले बर्खास्त गरिएको शिक्षा शाखा प्रमुख हरिहर बेल्बासेले बताए ।
विद्यालय व्यवस्थापन समिति, अभिभावक र गाउँपलिका शिक्षा समितिको निर्णयबाट उनलाई हटाइएको हो । प्रधानाध्यापक सारुलाई हटाएपछि आक्रोशमा आएर विद्यालयका केही महत्वपूर्ण कागजपत्रसमेत च्यातेका थिए ।
कागजपत्र च्यातेपछि बसेको भेलाले सारुलाई पक्राउ गर्न आदेशसमेत दिएको जनाइएको छ । सारुलाई पदबाट हटाए लगत्तै नयाँ प्रधानाध्यापकमा लक्ष्मी जिसीलाई नियुक्त गरिएको शिक्षा शाखाले जनाएको छ ।
्
