कपिलवस्तु, शिवराज -१, बनकट्टा विश्वराज अधिकारी
गजल
आकाश अनि धर्ती संगै हिलाएर गयौ, पिरतिमा विषको प्याला पिलाएर गयौ ।
हिमालको पानी भन्दा चोखो हाम्रो माया, वर्शातको असिनाझैँ बिलाएर गयौ ।
यौवनको उमंगलाई ढाल्दिरैछौ पिरतिमा, अनाहकमा पापको नासो दिलाएर गयौ ।
बल्ल बुझेँ चैतमासको हुरि रैछ तिम्रो माया, धुजा धुजा पारी यो मन सिलाएर गयौ ।
दुनियाँले जिभ्रो टोक्थे हामी दुइको जोडी देख्दा, बालुवामा पानी झैँ मन मिलाएर गयौ ।
विश्वराज अधिकारी शिवराज -१, बनकट्टा कपिलवस्तु
